Siyasət

Brüsseldə AXC-nin yaradılmasının 102-ci ildönümü münasibətilə tədbir keçirilib - VİDEO - FOTO

28 May 2020 20:14
Baxış: 1 117

Bu gün Brüssel şəhərində yerləşən Azərbaycan Respublikasının Belçika Krallığı və Lüksemburq Böyük Hersoqluğundakı Səfirliyi təşkilatçılığı ilə Avropa İttifaqı (Aİ) yanında Nümayəndəliyinin binasında Azərbaycan Xalq Cümhuriyyətinin (AXC) yaradılmasının 102-ci ildönümü münasibətilə tədbir keçirilib.

Milli.Az Trend-ə istinadən bildirir ki, tədbirdə Azərbaycan Respublikasının Belçika Krallığı və Lüksemburq Böyük Hersoqluğundakı səfiri, Avropa İttifaqı yanında missiyanın rəhbəri Fuad İsgəndərov çıxış edərək, yaradılmasının 102-ci ildönümünü qeyd edən Azərbaycan Xalq Cümhuriyyətinin (AXC) milli tarixidə tutduğu mühüm yerdən bəhs edərək, Azərbaycanın diplomatik xidmətinin təsis edilməsinin də məhz Cümhuriyyət dövrünə təsadüf etdiyini vurğulayıb və səfirliyin kollektivini bu əlamətdar gün münasibətilə təbrik edib.

Qeyd edək ki, 28 may - Respublika Gününə həsr olunan tədbirlər çərçivəsində səfirlik tərəfindən Azərbaycan Xalq Cümhuriyyətinin (AXC) yaradılmasının 102-ci ildönümündə Azərbaycanın Aİ ölkələri ilə həmrəyliyini nümayiş etdirən xüsusi video-çarx hazırlanaraq səfirliyin rəsmi internet səhifəsi, o cümlədən rəsmi "Twitter" və "Facebook" kanalları üzərindən yayımlanıb.

Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.