Siyasət

Fəxri adlara layiq görülmüş şəxslərə təqaüd verilməsi qaydası dəyişdi - SƏRƏNCAM

1 May 2020 15:52

Baxış: 1 726

#SİYASƏT

Prezident İlham Əliyev "Fəxri adlara görə aylıq təqaüdün verilməsi haqqında" Azərbaycan Respublikası Prezidentinin 2005-ci il 4 iyul tarixli 878 nömrəli Sərəncamında dəyişiklik edilməsi barədə" sərəncam imzalayıb.

Milli.Az AZƏRTAC-a istinadən bildirir ki, hazırda Azərbaycan Respublikasının dövlət büdcəsindən maliyyələşən idarə və təşkilatlarında çalışan fəxri adlara layiq görülmüş şəxslərə təqaüd həmin idarə və təşkilatların vəsaiti hesabına, digər şəxslərə isə Azərbaycan Respublikasının Əmək və Əhalinin Sosial Müdafiəsi Nazirliyi tərəfindən dövlət büdcəsində bu məqsədlər üçün nəzərdə tutulmuş vəsait hesabına ödənilir.

Dəyişikliyə əsasən, budan sonra fəxri adlara layiq görülmüş şəxslərə təqaüd yalnız Əmək və Əhalinin Sosial Müdafiəsi Nazirliyi tərəfindən dövlət büdcəsində bu məqsədlər üçün nəzərdə tutulmuş vəsait hesabına ödəniləcək.

Milli.Az