Siyasət

Azərbaycan-Türkiyə birgə hərbi təlimləri keçiriləcək

31 Mart 2010 10:50
Baxış: 239
#AZERBAİJAN
Müdafiə Nazirliyinin mətbuat xidmətindən verilən məlumata görə, əməkdaşlıq planına əsasən, aprelin 5-dən 9-dək İzmirdə iki ölkə arasında mina və minadanqorunma tədbirləri üzrə təcrübə mübadiləsi və yeni istehkam vasitələrinin və texnologiyalarının müzakirəsi aparılacaq.

Aprelin 6-dan 8-dək isə İzmirdə EGEY Ordu Komandanlığı tərəfindən Maddi Texniki Təminat üzrə təlim keçiriləcək.

Həmçinin, hərbçilər tibbi xidmət sahəsində də təlimlərə cəlb olunacaq.

Azərbaycan - Türkiyə ikitərəfli əməkdaşlıq planına hərbçilərimiz böyrəkköçürmə əməliyyatının üsulu, əməliyyatdan əvvəl və sonrakı dövrün təhlil edilməsi (ümumi cərrahiyyə), endoskopik fundoplikasiya kursu (qastroenterologiya - mədə-bağırsaq), diz artoskopiya cərrahiyyəsi, ayaq və topuğun cərrahiyyəsi və uroloji sistoskopiya kurslarında iştirak edəcək.

/Trend News/

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.