Siyasət

MDB ölkələri Xarici İşlər Nazirləri Şurasının növbəti iclası keçirilib

27 Mart 2010 11:26
Baxış: 165
Şuranın iclasında 20-yə yaxın məsələ, o cümlədən Qazaxıstanın ATƏT-ə sədrliyi, Avropa Təhlükəsizliyi Müqaviləsi layihəsi, Böyük Vətən Müharibəsində qələbənin 65 illiyi ilə bağlı bir sıra sənədlərin icrası, MDB çərçivəsində Xarici İşlər Nazirləri səviyyəsində məsləhətləşmələrin keçirilməsi məsələləri müzakirə olunub. Bundan əlavə, iclasda MDB-nin inkişaf konsepsiyası layihəsinin reallaşdırılması, korrupsiya ilə mübarizə sahəsində əməkdaşlıq, Birliyə üzv ölkələrdə bu il keçiriləcək seçkilərdə MDB müşahidəçilərinin iştirakı və digər məsələlər ətrafında fikir mübadiləsi aparılıb.

MDB Xarici İşlər Nazirləri Şurasının Moskvada keçirilən iclasında iştirak edən Azərbaycanın xarici işlər naziri Elmar Məmmədyarov Rusiya və Ukraynadan olan həmkarları ilə görüşlər də keçirib. Görüşlərdə, regionda gedən proseslər, eləcə də Ermənistan-Azərbaycan, Dağlıq Qarabağ münaqişəsinin həlli ilə bağlı danışıqların hazırkı vəziyyəti müzakirə edilib.

Bildirilib ki, ATƏT-in Minsk qrupunun həmsədrləri gələn həftənin əvvəlində Ermənistana səfər edəcəklər. Görüşlərdə o da qeyd olunub ki, Ermənistanın yekun mövqeyi aydınlaşarsa, böyük sülh sazişi üzərində işə başlanmağa şərait yaranacaqdır.

Moskvada işgüzar səfərdə olan Ermənistanın xarici işlər naziri Edvard Nalbandyan da rusiyalı həmkarı Sergey Lavrovla keçirdiyi görüşdə Dağlıq Qarabağ münaqişəsinin nizamlanması prosesini ətraflı müzakirə ediblər.

/AzərTAc/

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.