Siyasət

Tamas Heqedüs: “Bizim mövqeyimiz erməniləri razı salmayacaqdır”

30 Aprel 2011 23:33
Baxış: 167
#AZERBAİJAN
Ermənistan-Azərbaycan, Dağlıq Qarabağ münaqişənin həllində Macarıstan Azərbaycanın mövqeyini daim dəstəkləyəcəkdir. Bu mövqeyimiz Macarıstan parlamentinə təqdim olunan sənəddə də öz əksini tapmışdır. Amma bilirik ki, bizim bu mövqeyimiz erməniləri razı salmayacaqdır.

AzərTAc xəbər verir ki, bu sözləri Türk-Macar İş adamları Dərnəyinin təşkilatçılığı ilə Budapeşt şəhərində keçirilən iş adamları, alimlər, mədəniyyət xadimləri və tələbələrin iştirak etdiyi konfransda məruzə ilə çıxış edən Türk-Macar Parlamentlərarası Dostluq Qrupunun sədri Tamas Heqedüs demişdir.

T.Heqedüs keçən həftə üç deputatın imzası ilə parlamentə təqdim edilən sənəddə Dağlıq Qarabağı işğal edən ermənilərin Azərbaycan torpaqlarını qeyri-şərtsiz tərk etməsinin, bir milyon Azərbaycan vətəndaşının öz doğma yurdlarına qayıtmasının əksini tapdığını vurğulamışdır.

T.Heqedüs demişdir: "Biz bu sənədlə parlamentimizdə bu hadisələrə qarşı nümayiş olunan laqeyd münasibətə son qoyduq. Biz macarlar olaraq bildirmək istəyirik ki, bu məsələdə Azərbaycan xalqına hər zaman dəstək olacağıq. Onlar üçün əlimizdən gələni edəcəyik. Bilirik ki, Avropa İttifaqının sədri vəzifəsini yerinə yetirən Macarıstanın bu məsələni öz parlamentində müzakirə etməsi erməniləri də narahat edəcəkdir. Buna baxmayaraq, biz düzgün hesab etdiyimiz mövqeyi nümayiş etdirəcəyik".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.