Siyasət

Asim Mollazadə: “ABŞ öz milli maraqlarına da zərbə vurdu”

5 Mart 2010 10:47
Baxış: 116
#AZERBAİJAN
Bunu Milli.Az xəbər portalına açıqlamasında millət vəkili, Azərbaycan-ABŞ parlamentlərarası əlaqələr üzrə işçi qrupunun üzvü Asim Mollazadə deyib. Onun sözlərinə görə, Komitənin qərarı ABŞ-ın milli və təhlükəsizlik maraqlarına da zərbə vurmuş olub: "Komitədəki səsvermədən əvvəl çıxış edənlər, öz etirazlarını bildirənlər də oldu. Çox təəssüf ki, Komitənin Kaliforniyadan seçilən sədri Hovard Bermen ədalətsiz qərarın qəbuluna nail oldu. Bu, çox xoşagəlməz bir vəziyyətin yaranmasına səbəb olub. Çünki qəbul edilən qərar Amerikanın bölgədəki müttəfiqlərinə, tərəfdaşlarına qarşı yönəlib. "Erməni soyqırımı"na göstərilən münasibət Amerikanın həm Türkiyə və Azərbaycanla münasibətlərinə xələl gətirir, həm də onun bölgədə apardığı siyasətə, ümumi strategiyaya ziddir". Millət vəkili inanır ki, Komitənin qərarı Konqresdə təsdiqlənməyəcək.

Asim Mollazadə hesab edir ki, Azərbaycan bu məsələdə Türkiyənin yanında olmalıdır. Onun sözlərinə görə, ABŞ-dakı Türkiyə və Azərbaycan diasporları birgə işləyirlər: "Azərbaycanın Xarici İşlər Nazirliyi də Türkiyənin xarici siyasət idarəsi ilə birgə bəyanatlar verməlidir. Məsələyə Türkiyə və Azərbaycan arasında vahid münasibət formalaşdırılmalı və aparılan siyasət də bu mövqeyə uyğunlaşdırılmalıdır".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.