Siyasət

"Ata, mən gedib orada şəhid olacağam, sən də mənimlə həmişə fəxr edəcəksən" - FOTO

9 Aprel 2016 16:55
14 Şərh     Baxış: 6 435

Şəmkirlilər daha iki şəhidini son mənzilə yola salıblar.

Kəpəz TV (Region TV) xəbər verir ki, düşmənlə təmas xəttində şəhid olan daha iki əsgər bu gün doğulub boya-başa çatdıqları Şəmkir rayonunda dəfn edilib. Kür qəsəbəsində və Düyərli kəndində kütləvi insan izdihamı hərbçilərimizə olan ehtiramı nümayiş etdirib.

Tovuz sakini, 20 yaşlı Vüsal Alıyev cəbhənin Tərtər istiqamətində gedən döyüşlər zamanı şəhid olub. Şəhidlə vida mərasimi uzun illər yaşadığı Şəmkirin Kür qəsəbəsində baş tutub. Şərəfli döyüş yolu, vətənin bütövlüyü uğrunda göstərdiyi şücaət, vətənə və dövlətə bağlılığı barədə Vüsal Alıyevin dəfn mərasiminə toplaşanlar söz açıblar. Düşmənə layiqli müqavimət göstərən əsgər 2014-cü ilin oktyabrında Səfərbərlik və Hərbi Xidmətə Çağırış üzrə Dövlət Xidmətinin Tovuz rayon şöbəsindən həqiqi hərbi xidmətə çağırılıb və ehtiyata buraxılmasına bir neçə gün qalıbmış. Şəhidin nəşi kütləvi insan axınının müşayiəti ilə Kür qəsəbə qəbristanlığına gətirilib. Tabutun büküldüyü Azərbaycan bayrağı Vüsal Alıyevin ailə üzvlərinə təqdim olunub. Dövlət himninin sədaları altında yaylım atəşi açılıb. 
İlham Ələkbərov - şəhidin atası: "Mənim oğlum şəhid olduğu üçün mən onunla qürur duyuram. Ona görə ki, mənim oğlum vətən üçün canından keçdi. Mən iki oğlumun birini itirdim. Onlar əkiz qardaşlar idi. Vətən sağ olsun!"

Vüqar Əliyev - şəhidin qardaşı: "Allah bütün şəhidlərimizə rəhmət etsin! Mənim qardaşım mərdliklə döyüşdü, sonda isə vətən yolunda şəhid oldu. Onun qanı yerdə qalmayacaq. İnşallah, sona qədər gedib, şəhidlərimizin qısasını alacağıq. Bunu biz etməyəndə kim edəcək?!" 

2015-ci ilin oktyabrında Səfərbərlik və Hərbi Xidmətə Çağırış üzrə Dövlət Xidmətinin Şəmkir rayon şöbəsindən ordu sıralarına göndərilən Altun Dəmirli isə Tərtər istiqatində gedən döyüşlərdə fədəkarlıq nümayiş etdirirək həlak olub. Düyərli kəndində şəhid son mənzilə qəhrəman kimi yola salınıb. 19 yaşlı Altun Dəmirlinin ailə üzvlərinə başsağlığı verilib.

Fərman Dəmirli - şəhidin atası: "Mənim oğlum hələ 16 yaşında ərizə yazıb, cəbhəyə getmək istəyirdi. O həmişə deyirdi ki, gedib Qarabağı mən alacağam. Mənə deyirdi ki, ata, mən gedib orada şəhid olacağam, sən də mənimlə həmişə fəxr edəcəksən. Bütün şəhidlərimizə Allah rəhmət etsin!" 

Altun Əmirli Düyərli kənd qəbristanlığında Dövlət himninin sədaları ilə, yaylım atəşi altında torpağa tapşırılıb. Enməzliyi uğrunda canından keçdiyi Azərbaycan bayrağı şəhidin yaxınlarına təqdim olunub. 

Milli.Az

Məqaləyə dair fotomateriallar:

Şərh yaz:

14 Şərh:

  • Anonim
    ♡♡♡ · 9 Aprel 2016 17:0300

    ALLAH rehmet elesin.Hamisi secme oğullardi.

    Cavab yaz
  • Anonim
    QFB · 9 Aprel 2016 17:0500

    Allah rehmet elesin (((

    Cavab yaz
  • Anonim
    Simran · 9 Aprel 2016 17:0500

    Allah rəhmət etsin bütün şəhidlərə.Allah ailələrinə səbr versin.Allah Azərbaycan Xalqının mərd oğullarını düşmən gülləsindən qorusun İnşallah.....

    Cavab yaz
  • Anonim
    Mamed · 9 Aprel 2016 17:1900

    Allah rehmet elesin

    Cavab yaz
  • Anonim
    Cin · 9 Aprel 2016 17:3100

    Allah rəhmət eləsin! Ay mənim qardaşlarım siz nə yatdız ki,nədə yuxu görəsiz.Azərbaycan sizinlə fəxredir !

    Cavab yaz
  • Anonim
    Tovuzlu E · 9 Aprel 2016 17:3600

    ALLAH RƏHMƏT ELƏSİN

    Cavab yaz
  • Anonim
    --- · 9 Aprel 2016 17:4700

    Can bala .qatillere Allah lehnet elesin

    Cavab yaz
  • Anonim
    QFB · 9 Aprel 2016 17:5000

    Allah rehmet elesin(((

    Cavab yaz
  • Anonim
    Anar · 9 Aprel 2016 18:2500

    Allah şəhidlərimizə rəhmət eləsin. Sizinlə fəxr edirik.

    Cavab yaz
  • Anonim
    neftcalla qizi · 9 Aprel 2016 18:3000

    ayAllah doludu bura sehit xeberiyle oxuya bilmirem uje

    Cavab yaz
    • Anonim
      esger · 3 İyul 2016 18:3000

      sehid olmaq ureyimmen ele kecirki cunki alıyev vusal kimi oğullar orda meni kimilerni gozduyur

      Cavab yaz
  • Anonim
    Leyla · 9 Aprel 2016 18:4000

    Can bala ruhun wad olsun Sehidler olmur anana sebr versin

    Cavab yaz
  • Anonim
    Biri · 9 Aprel 2016 19:0400

    Allah rehmet elsin.Ruhun wad olsun .yaxinlarini ALLAH sebr versin

    Cavab yaz
  • Anonim
    svet.... · 9 Aprel 2016 22:5600

    Allah rehmet elesin! Hamımız sizinlə fəxr edirik!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.