Siyasət

AXCP-dən kütləvi istefa verənlər haraya getdilər?

4 Noyabr 2014 13:42
Baxış: 723
#AZERBAİJAN #İÇ SİYASƏT
Azərbaycan Xalq Cəbhəsi Partiyasının (AXCP) Sumqayıt şəhər şöbəsindən istefa verənlər Klassik Xalq Cəbhəsi Partiyasına (KXCP) üzv olmaq üçün müraciət ediblər.

Bu barədə APA-ya AXCP Sumqayıt şəhər şöbəsinin sabiq sədri Kəmaləddin Rəhimov məlumat verib. O qeyd edib ki, istefa verən 52 üzvdən 48-i KXCP-yə üzv olmaq üçün partiyanın müvafiq qurumuna müraciət edib.

KXCP sədrinin müavini Xəzər Teyyublu isə APA-ya bildirib ki, bu barədə partiyanın təşkilat şöbəsi məlumatlandırılıb, müraciət edənlərin üzvlük qeydiyyatının aparılması barədə göstəriş verilib: "Onlar partiyanın Sumqayıt şəhər təşkilatına müraciət ediblər. Burada müvafiq prosedur aparılacaq".

Xatırladaq ki, AXCP üzvlərinin istefasına səbəb K.Rəhimova qarşı aparılan kampaniyadır. Yayılan bəyanatda qeyd olunur ki, şöbəyə İsa Qurbanovun sədr seçilməsindən sonra yeni sədrlə sabiq sədr K.Rəhimov arasında narazılıq yaranıb.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.