Siyasət

"Müsavat Məclisinin bəyanatı bizim üçün önəmli deyil!"

28 Oktyabr 2014 16:30
Baxış: 697
#SİYASƏT #İÇ SİYASƏT
"Müsavat Məclisinin narazı müsavatçılarla bağlı qəbul etdiyi bəyanat bizim üçün önəmli deyil. Çünki bizim üçün onun heç bir hüquqi əsası yoxdur". Bunu SİA-ya açıqlamasında Müsavat başqanlığına keçmiş namizəd Səxavət Əlisoy deyib.

S.Əlisoy vurğulayıb ki, ortada saxtakarlıq faktları var və bununla bağlı partiyaya rəsmi müraciət olunub: "Onlar zəhmət çəkib məclisdə bunu araşdırardılar. Məclisdə partiyanın Mərkəzi Nəzarət və Təftiş Komissiyasının (MNTK) heç bir qərarı müzakirə olunmayıb. Onlar MNTK-ya təzyiq etmək üçün belə bir bəyanat veriblər. Hesab edirlər ki, bundan sonra narazı olanlar geri çəkiləcəklər. Beş qara qəpiyə dəyməyən bəyanatın mənim üçün əhəmiyyəti yoxdur".

Başqanlığa keçmiş namizəd bildirib ki, saxtakarlığa göz yummayacaqlar: "Partiyanın daxilində baş verən saxtakarlıq faktlarını ortaya qoymaq lazımdır. Saxtakarlığa yol verənlər cəzalandırılmalıdır. Buna göz yumanlar, göstəriş verənlər etiraf etməlidir. Yalnız bundan sonra məclis hər hansı bir bəyanat verə bilər. Əks təqdirdə, saxtakarlar çox ciddi cavab alacaqlar. Hazırda partiyaya etdiyimiz müraciətə cavab verilməsini gözləyirik. Rəsmi cavab gəldikdən sonra onlara tutarlı cavab verəcəyik".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.