Siyasət

Prezident İlham Əliyev Ukraynadakı təyyarə qəzası ilə bağlı başsağlığı verdi

18 İyul 2014 17:30

Baxış: 1 704

#AZERBAİJAN #SİYASƏT #BOEİNG CO #MALAYSİAN AİRLİNES SYSTEM BHD

Azərbaycan Respublikasının Prezidenti İlham Əliyev Niderland Krallığının Baş naziri Mark Rütteyə başsağlığı məktubu ünvanlayıb.

Milli.Az AzərTAc-a istinadən xəbər verir ki, məktubda deyilir:

"Hörmətli cənab Baş nazir,

"Malaysia Airlines" şirkətinə məxsus "Boeing-777" təyyarəsinin qəzaya uğraması nəticəsində çox sayda həmvətəninizin həlak olması xəbəri məni sarsıtdı.

Baş vermiş bu ağır faciə ilə əlaqədar Sizə, həlak olanların ailələrinə və yaxınlarına öz adımdan və Azərbaycan xalqı adından dərin hüznlə başsağlığı verirəm".

X X X

Azərbaycan Respublikasının Prezidenti İlham Əliyev Malayziyanın Baş naziri Dato' Sri Mohd Nacibə başsağlığı məktubu ünvanlayıb.

Milli.Az AzərTAc-a istinadən xəbər verir ki, məktubda deyilir:

"Hörmətli cənab Baş nazir,

"Malaysia Airlines" şirkətinə məxsus "Boeing-777" təyyarəsinin Ukrayna ərazisində qəzaya uğraması nəticəsində çoxsaylı insan tələfatı xəbəri məni olduqca kədərləndirdi.

Baş vermiş bu dəhşətli faciə ilə əlaqədar Sizə, həlak olan sərnişinlərin və ekipaj üzvlərinin ailələrinə və yaxınlarına öz adımdan və Azərbaycan xalqı adından dərin hüznlə başsağlığı verirəm".

Milli.Az