Siyasət

Bakıda NATO PA-nın Rouz-Rout seminarı keçirilir

16 İyun 2014 10:00
Baxış: 1 513
#ROUZ DAROU PHARMACEUTİCAL
Bakıda NATO Parlament Assambleyasının (PA) "Cənubi Qafqaz: Çağırışlar və imkanlar" mövzusuna həsr olunmuş 86-cı Rouz-Rout seminarı keçirilir.

Trend xəbər verir ki, seminarın açılışında Azərbaycan Respublikası Milli Məclisinin sədri Oqtay Əsədov, NATO PA-nın prezidenti Hu Beyli, İsveçrənin Azərbaycandakı səfiri Paskal Aebişer, LİNKS təşkilatının direktoru Dennis Sammut çıxış edəcəklər.

Daha sonra seminar "Azərbaycanın xarici və təhlükəsizlik priotetləri və Avro-Atlantik inteqrasiya", "Ermənistan-Azərbaycan, Dağlıq Qarabağ münaqişəsinin həlli prosesi", "Azərbaycanda idarəçilik sektorunda islahatlar", "Azərbaycanda Təhlükəsizlik sektorunda islahatlar", "Krım böhranı: Cənubi Qafqaz üçün nəticələri", "Gürcüstanın Avro-Atlantik yolu: perspektivlər və qalan çağırışlar", "Enerji təhlükəsizliyi: Cənubi Qafqaz və Xəzər regionlarında yeni imkanlar", "İran və regional təhlükəsizlik", "2014-cü ildən sonrakı Əfqanıstan: Daxili və regional sabitliyin dəstəklənməsi" sessiyaları üzrə davam edəcək.

Qeyd edək ki, 3 gün davam edəcək seminarda Ermənistan nümayəndələri də iştirak edirlər.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.