Siyasət

FHN-in vəzifələri sırasına bu fəaliyyət də daxil edildi

27 Fevral 2026 16:54
Baxış: 578
#MİNA #FHN

Fövqəladə Hallar Nazirliyi aidiyyəti dövlət orqanları (qurumları) ilə birlikdə minatəmizləmə fəaliyyətinin həyata keçirilməsində iştirak edəcək.

Milli.Az xəbər verir ki, bu, Prezident İlham Əliyevin imzaladığı "Minatəmizləmə fəaliyyəti haqqında" Azərbaycan Respublikasının Qanununun icrası ilə əlaqədar Azərbaycan Respublikası Prezidentinin bəzi fərmanlarında və Sərəncamında dəyişiklik edilməsi barədə Fərmanda öz əksini tapıb.

Fərmana əsasən, "İçərişəhər" Dövlət Tarix-Memarlıq Qoruğu İdarəsinin Nizamnaməsi"nə də dəyişiklik edilib.

Belə ki, "Tarix və mədəniyyət abidələrinin qorunması haqqında" Azərbaycan Respublikasının Qanununa uyğun olaraq, "İçərişəhər" Dövlət Tarix-Memarlıq Qoruğu İdarəsi qoruq ərazisində minatəmizləmə fəaliyyəti həyata keçirilərkən daşınmaz tarix və mədəniyyət abidələri aşkar edildiyi halda, onların yerləşdiyi ərazidə minatəmizləmə fəaliyyətinin həyata keçirilməsinə icazə verməlidir.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.