Siyasət

"Zəngəzur dəhlizinin idarəçiliyi özəl şirkətə verilə bilər" - Paşinyan

16 İyul 2025 16:42

Baxış: 1 051

#ERMƏNİSTAN #ZƏNGƏZUR DƏHLİZİ

Ermənistanın Baş naziri Nikol Paşinyan Azərbaycandan Naxçıvana Sünik rayonu (Zəngəzur dəhlizi - red.) vasitəsilə keçən yolun idarəçiliyinin özəl şirkətə verilməsinin mümkün olduğunu istisna etməyib.

Milli.Az "Sputnik Ermənistan"a istinadən xəbər verir ki, Paşinyan bu barədə keçirdiyi mətbuat konfransında danışıb.

Paşinyanın sözlərinə görə, bu sahədə Ermənistanda artıq bir neçə analoji təcrübə mövcuddur:

"Məsələn, Zvartnots hava limanının idarəçiliyi özəl quruma həvalə olunub. Lakin bu, Ermənistanın ərazi bütövlüyünə və suverenliyinə heç bir şəkildə zərər vurmur. Eyni yanaşma su təchizatı, dəmir yolları və digər infrastruktur sahələrində də mövcuddur," - deyə Paşinyan bildirib.

O qeyd edib ki, hazırda investisiyaları cəlb edəcək bir şirkətin yaradılması müzakirə olunur və bu çərçivədə dəhliz infrastrukturunun yaradılması və idarə olunması məsələsi gündəmdədir.

"Əsl faciə Ermənistan ərazisindən dəmir yolu əlaqəsinin olmamasıdır. Biz tranzit ölkə olmaq istəyirik və yuxarıda sadalanan prinsiplərə əsaslanaraq ən cəlbedici şərtləri təklif etməyə hazırıq," - Paşinyan əlavə edib.

Milli.Az