Siyasət

Kürsüyə çıxıb dünyanı təhdid etdi - Gərginlik olacaq

3 Aprel 2025 10:20
Baxış: 2 650
#İQTİSADİYYAT #GÖMRÜK #ABŞ #DONALD TRAMP

ABŞ Prezidenti Donald Trampın tətbiq etdiyi yeni gömrük vergiləri dünya iqtisadiyyatında gərginlik yaradıb. Belə məqamda ABŞ-nin Xəzinədarlıq Katibliyinin rəhbəri Skott Bessent ticarət tərəfdaşlarını bu qərara qarşı cavab tədbirləri görməməyə çağırıb.

Milli.Az xəbər verir ki, Bessent ABŞ televiziya kanalına müsahibəsində bildirib ki, ölkələrin Trampın gömrük tariflərinə cavab verməməsi daha məqsədəuyğundur. "Hazırda hər bir ölkəyə tövsiyəm budur ki, cavab tədbiri görməsinlər. Sadəcə arxanıza yaslanın və baş verənləri izləyin. Çünki əgər cavab addımı atsanız, vəziyyət gərginləşəcək. Əks halda, bu artıq ən yüksək həddir", - deyə Bessent qeyd edib.

Donald Tramp ötən günlərdə yeni gömrük tariflərinin tətbiq ediləcəyini açıqlayıb. Prezidentin sözlərinə görə, ABŞ-yə idxal edilən əksər mallara ən azı 10 faiz, xaricdə istehsal olunan avtomobillərə isə 25 faiz vergi tətbiq edilir. Tramp xarici ölkə liderlərinə müraciət edərək, öz tariflərini azaltmalarını və ticarət maneələrini aradan qaldırmalarını tələb edib. O, ABŞ-nin artıq birtərəfli iqtisadi güzəştlər siyasətini davam etdirə bilməyəcəyini və vətəndaşlarını qorumaq məcburiyyətində olduğunu vurğulayıb.

İslam
Milli.Az

 

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.