Siyasət

Suriya müxalifətinin Türkiyədən qeyr-adi istəyi

16 İyul 2012 11:43
0 Şərh     Baxış: 1 029
#SYRİAN ARAB REPUBLİC
Suriya müxalifətinin Hama şəhərindəki qanadının rəsmi sözçüsü Xalid Əbu Salih ölkədə baş verən toqquşmaların qarşısının alınması üçün Ankaranın Suriyaya müdaxilə etməsinin zəruri olduğunu bildirib. Trend-in məlumatına görə, bu barədə "CNN Türk" telekanalı məlumat verib.

"Türkiyənin Suriya müxalifətinə verdiyi dəstək yetərli deyil, Ankaranın bu ölkəyə müdaxilə etməsi zəruridir", - o deyib.

Müxalifət sözçüsü onu da qeyd edib ki, ölkə prezidenti Bəşər Əsədin hakimiyyətdə qalması əsla mümkün deyil.

"Suriyada olan beynəlxalq müşahidəçilər ölkədə dinc əhalinin necə qətlə yetirildiyinin şahidi oldular", - Əbu Salih bildirib.

Onun sözlərinə görə, beynəlxalq birliklərin Suriyaya hələ də müdaxilə etməməsinin əsas səbəblərindən biri də ölkədə neftin olmamasıdır.

BMT-nin məlumatına görə, Suriyada münaqişə qurbanlarının ümumi sayı 12 mini ötüb. Təxminən 230 min insan qaçqın düşüb, bir milyona yaxın insanın humanitar yardıma ehtiyacı var.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.