Siyasət

"Baku Network"un rəhbəri Elçin Alıoğlu “Valday” klubunun Yaxın Şərq konfransında çıxış edəcək

4 Fevral 2025 11:35

Baxış: 862

#SİYASƏT

Fevralın 4-dən 6-dək Moskvada "Valday" Beynəlxalq Diskussiya Klubunun XIV Yaxın Şərq Konfransı keçiriləcək. Konfransda spikerlərdən biri "Baku Network" ekspert platformasının rəhbəri, Trend BİA-nın direktor müavini Elçin Alıoğlu olacaq.

E.Alıoğlu "Nəqliyyat dəhlizləri və quruda və dənizdə təhlükəsizliyin gələcəyi" adlı sessiyada çıxış edəcək. Bundan əlavə, sessiyada Dubay Dövlət Siyasəti Araşdırmaları Mərkəzinin baş elmi işçisi Xalid Əlşimmari, "Infranews" tədqiqat agentliyinin baş direktoru Aleksey Bezborodov və İran Xarici İşlər Nazirliyi yanında beynəlxalq əlaqələr fakültəsinin dekanı Məhəmməd Rza Dehşiri iştirak edəcək.

Builki forumun mövzusu belədir: "Yaxın Şərq 2025: Keçmişdən dərs almaq, indiki zamanda itməmək və gələcəyi planlaşdırmaq". Tədbirdə Azərbaycan, Əlcəzair, Böyük Britaniya, Misir, İordaniya, İraq, İran, Livan, BƏƏ, Pakistan, Fələstin, Rusiya, Suriya, ABŞ və Türkiyə də daxil olmaqla 15 ölkədən 50-dən çox ekspert, siyasətçi və analitik iştirak edəcək.

Xarici iştirakçılar arasında BMT baş katibinin köməkçisi Ezzeldin Rəmzi Rəmzi, Fələstinin sosial məsələlər üzrə naziri və Fələstin Azadlıq Təşkilatı İcraiyyə Komitəsinin üzvü Əhməd Məcdəlani, Suriyanın Rusiya Federasiyasındakı fövqəladə və səlahiyyətli səfiri Bəşər Cəfəri, Qahirədəki Amerika Universitetinin Beynəlxalq Münasibətlər və İctimai Siyasət Məktəbinin fəxri dekanı Nabil Fəhmi kimi tanınmış siyasətçilər və ekspertlərin iştirakı gözlənilir.

Milli.Az