Prezident İlham Əliyev bir sıra görüşlər keçirib - YENİLƏNİB - FOTO

17:41

AzərTAc xəbər verir ki, Azərbaycan Respublikasının Prezidenti İlham Əliyev iyulun 10-da İsveçrənin "Holcim" şirkətinin baş icraçı direktoru Bernard Fontananı qəbul etmişdir.

Görüşdə İsveçrənin "Holcim" şirkətinin Azərbaycandakı uğurlu fəaliyyəti vurğulandı, şirkətin yüksək texnologiyalar əsasında fəaliyyət göstərəcək "Qaradağ sement" ASC-də yeni zavodun müasir standartlara uyğun şəkildə inşası qeyd olundu, əməkdaşlığımızın genişləndirilməsi ilə bağlı gələcək layihələr barədə fikir mübadiləsi aparıldı.

---------
17:38

AzərTAc xəbər verir ki, Azərbaycan Respublikasının Prezidenti İlham Əliyev iyulun 10-da İspaniya Krallığının Xarici İşlər və Əməkdaşlıq Nazirliyinin xarici işlər üzrə dövlət katibi Qonzalo de Benitonun başçılıq etdiyi nümayəndə heyətini qəbul etmişdir.

Dövlətimizin başçısı İspaniya Krallığının Xarici İşlər və Əməkdaşlıq Nazirliyinin xarici işlər üzrə dövlət katibi Qonzalo de Benitonun ölkəmizə səfərinin əlaqələrimizin inkişafı baxımından uğurlu olacağına əminliyini bildirdi.

Qonzalo de Beniton son illər Azərbaycanın əldə etdiyi iqtisadi uğurların ölkəsində diqqətlə izlənildiyini dedi və Azərbaycan ilə müxtəlif sahələrdə əməkdaşlığın genişləndirilməsində maraqlı olduqlarını vurğuladı. Qonzalo de Beniton İspaniya Krallığının Baş naziri Mariano Raxoyun məktubunu dövlətimizin başçısına çatdırdı.

Görüşdə Azərbaycan Respublikası ilə İspaniya Krallığı arasında ikitərəfli münasibətlərin müxtəlif istiqamətlərdə genişləndirilməsi ilə bağlı məsələlər ətrafında fikir mübadiləsi aparıldı.
 
---------
17:33

AzərTAc xəbər verir ki, Azərbaycan Respublikasının Prezidenti İlham Əliyev iyulun 10-da ATƏT-in Minsk qrupunun həmsədrləri Robert Bradtkeni (ABŞ), İqor Popovu (Rusiya), Jak Foru (Fransa) və ATƏT-in fəaliyyətdə olan sədrinin xüsusi nümayəndəsi Anji Kaspşiki qəbul etmişdir.

Görüşdə Ermənistan-Azərbaycan, Dağlıq Qarabağ münaqişəsinin nizama salınması ilə bağlı danışıqların hazırkı vəziyyəti və perspektivləri ilə əlaqədar məsələlər ətrafında fikir mübadiləsi aparılmışdır.

Milli.Az

Böyütmək üçün şəkillərə klikləyin.

---------
22:11

Azərbaycan Prezidenti İlham Əliyev İspaniyanın Xarici İşlər və Əməkdaşlıq Nazirliyinin xarici işlər üzrə dövlət katibinin başçılıq etdiyi nümayəndə heyətini qəbul etmişdir



---------
20:18

Azərbaycan Prezidenti İlham Əliyev ATƏT-in Minsk qrupunun həmsədrlərini və fəaliyyətdə olan sədrinin xüsusi nümayəndəsini qəbul etmişdir



---------
17:41

Azərbaycan Prezidenti İlham Əliyev İsveçrənin "Holcim" şirkətinin baş icraçı direktorunu qəbul etmişdir



Foto: AzərTAc