Siyasət

Eritreyada saxlanılan gəmilərimizin aqibəti necə oldu? - AÇIQLAMA

20 Yanvar 2025 13:35

Baxış: 1 957

#GƏMİ #XARİCİ İŞLƏR NAZİRLİYİ

Eritreyada saxlanılan gəmilərimizlə bağlı qarşı tərəflərlə danışıqlar davam edir.

Trend xəbər verir ki, bunu bu gün 20 Yanvar faciəsi ilə əlaqədar Şəhidlər xiyabanını ziyarət edərkən jurnalistlərə açıqlamasında xarici işlər naziri Ceyhun Bayramov deyib.

Nazir qeyd edib ki, Eriteriya ilə danışıqlar Ankara və Moskva səfirlikləri, Nyu-York nümayəndəliyi vasitəsilə davam edir.

"Eritreyada girov götürülən Azərbaycana məxsus gəmilərlə bağlı ilk məlumat daxil olan kimi Xarici İşlər Nazirliyi hərəkətə keçdi. Azərbaycanın Eritreyada diplomatik təmsilçiliyi yoxdur. Ancaq əlaqləndirilmiş şəkildə Xarici İşlər Nazirliyi aidiyyatı qurumlarla faəliyyətdədir. Qarşı tərəflərlə danışıqlar davam edir. Son həftələr ərzində danışıqlarda müsbət dinamika görülür", - Nazir bildirib.

Qeyd edək ki, 7 noyabr 2024-cü il tarixində "Caspian Marine Services B.V." şirkətinin Azərbaycan Respublikasındakı filialı tərəfindən istismar olunan Azərbaycan Respublikasının dövlət bayrağı altında üzən "CMS Pəhləvan", "CMS İgid" və "CMS-3" gəmiləri Süveyş kanalı istiqamətindən Birləşmiş Ərəb Əmirliklərinin Abu-Dabi şəhərinə səfəri zamanı hava şəraitinin kəskinləşməsi nəticəsində Eritreya Dövlətinin ərazi sularına məcburi giriş edib.

keçid zamanı Eritreya Dövlətinin liman qurumları ilə əvvəlcədən əlaqə saxlanılsa da, məlumat vermək mümkün olmadığından, dövlətin 12 millik ərazi sularına giriş olunduqdan sonra Eritreya Dövlətinin müvafiq qurumu tərəfindən girişin icazəsiz olduğu vurğulanaraq, sözügedən gəmilər saxlanılıb. Adları qeyd olunan gəmilərdə heyət üzvlərindən 18 nəfər Azərbaycan Respublikasının vətəndaşlarıdır.

Milli.Az