Siyasət

Prezident isveçrəli həmkarını təbrik edib

1 Avqust 2024 11:21
Baxış: 1 068

Azərbaycan Respublikasının Prezidenti İlham Əliyev İsveçrə Konfederasiyasının milli bayramı münasibətilə Prezident Viola Amherdi təbrik edib.

Milli.Az AZƏRTAC-a istinadən bildirir ki, milli bayram münasibətilə xanım Prezidentə və bütün xalqına şəxsən öz adından və Azərbaycan xalqı adından səmimi təbriklərini çatdıran dövlətimizin başçısı qeyd edib: "İnanıram ki, Azərbaycan ilə İsveçrə arasında münasibətlər xalqlarımızın mənafelərinə uyğun olaraq bundan sonra da həm ikitərəfli, həm də çoxtərəfli müstəvidə dostluq və əməkdaşlıq zəminində inkişaf edəcəkdir. Ölkəmizin noyabr ayında ev sahibliyi edəcəyi COP29 çərçivəsində iqlim dəyişmələri ilə mübarizə sahəsində İsveçrə ilə sıx əməkdaşlıq edəcəyimizə ümidvaram".

Azərbaycan Prezidenti belə bir əlamətdar gündə isveçrəli həmkarına möhkəm cansağlığı, işlərində uğurlar, İsveçrə Konfederasiyasına daim rifah və firavanlıq diləyib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.