Siyasət

“Qazaxıstan sülh müqaviləsinin tezliklə imzalanmasında maraqlıdır”

13 Aprel 2024 12:13
Baxış: 780

Qazaxıstan Bakı ilə İrəvan arasında sülhün tezliklə bərqərar olmasında maraqlıdır.

Milli.Az Trend-ə istinadən xəbər verir ki, bunu Qazaxıstan orezidenti Kasım-Jomart Tokayev Ermənistan mətbuatına müsahibəsində deyib.

"Qazaxıstan bu mövzuya biganə qalmır. Bizə iki dost dövlət arasında sülh müqaviləsinin tezliklə bağlanmasında maraqlıyıq. İrəvanla Bakı arasında davamlı sülhün bərqərar olması ölkəmizin maraqlarına uyğundur", - deyib.

Prezident Tokayev əlavə edib ki, Qazaxıstan sülhməramlı təşəbbüslərin təşəbbüskarı və dəstəkçisi kimi regionumuzun dinc və sabit inkişafına yönəlmiş istənilən səyləri dəstəkləməyə hazırdır.

O, həmçinin vurğulayıb ki, Avrasiyanın nəqliyyat sistemində Cənubi Qafqazın əhəmiyyəti xeyli artıb və buna görə də regionda nəqliyyat marşrutlarının açılması zərurətə çevrilir.

"Nəqliyyat əlaqələrinin tam işləməsi bütün Cənubi Qafqazın iqtisadi inteqrasiyası və regionda sabit sülhün bərqərar olması istiqamətində mühüm addımdır", - dövlət başçısı qeyd edib.

Milli.Az
Xəbərlərimizi WhatsApp kanalımızdan da oxuyun

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.