Siyasət

Möcüzədir: Azərbaycanın adı yoxa çıxdı - Zaxarova

20 Dekabr 2023 23:50

Baxış: 3 167

#DÜNYADA #RUSİYA #ERMƏNİSTAN

İlkin versiyada Azərbaycan və Ermənistan "üçüncü ölkələr siyahısı"nda yer almışdı. Lakin bir müddət sonra onlar möcüzəvi şəkildə oradan yoxa çıxdılar.

Milli.Az axar.az-a istinadən xəbər verir ki, bu sözləri Rusiya Xarici İşlər Nazirliyinin nümayəndəsi Mariya Zaxarova bu gün keçirdiyi brifinqdə Azərbaycan və Ermənistanın AB-nin "Maqnitski siyahısının" uzadılması qərarını dəstəkləyən ölkələr sırasına düşməsi, sonra isə onların adının o siyahıdan çıxarılmasını şərh edərkən deyib.

"Əlbəttə, mənim fikrimcə, bu sualı Brüssel sehrbazlarına vermək daha düzgün olardı, çünki bu, həqiqətən bir növ sehrdir. Bizim qiymətləndirməmizə gəlincə, Brüsselin üçüncü ölkələri sanksiyalara cəlb etməklə antirusiya məhdudiyyətlərini beynəlxalq normalara uyğunluq kimi göstərmək cəhdləri boş, qeyri-konstruktiv, əbəs bir məşqdir", - deyə o bildirib.

Onun sözlərinə görə, AB-nin BMT Təhlükəsizlik Şurasından yan keçməklə həyata keçirdiyi birtərəfli məhdudlaşdırıcı tədbirlər beynəlxalq hüququn kobud şəkildə pozulmasıdır.

Qeyd edək ki, Azərbaycan və Ermənistanın adı AB-nin "Maqnitski siyahısı"nın 2024-cü il dekabrın 8-dək uzadılması qərarını dəstəkləyən ölkələr siyahısında hallandırılsa da, qısa müddət sonra siyahıdan çıxarılıb.

Milli.Az
Xəbərlərimizi WhatsApp kanalımızdan da oxuyun