Rusiya ilə bağlı gizli plan - Ermənistan "maşa" oldu

Rusiyalı hərbi bloqer Anastasiya Kaşevarova erməni hərbçilərlə bağlı gündəmi alt-üst edən iddia irəli sürüb. Onun dediyinə görə Fransa erməni hərbçilərini silahlandıraraq onları Ukraynada Rusiyaya qarşı döyüşə çıxaracaq. Bəs bundan əvvəl Ermənistanı zirehli texnika ilə təmin edən Fransanın erməni hərbçilərinə təlim keçməsinin arxasındakı gizli məqsəd nədir?

Erməni hərbçilərin Rusiya tərəfindən yetişdirilərək Ukraynada ruslara qarşı vuruşması iddiası həqiqətdən uzaq fikir kimi gəlir. Çünki, Fransanın Rusiyanı regionda mövqeyini zəiflətmək məqsədi olsa da, bir növ açıq döyüşə girməkdən çəkinir. Hətta, bu məsələdə Fransa Rusiya ilə anlaşmağın tərəfdarıdır. Bundan əlavə Fransa Ukrayna cəbhəsinə ən az muzdlu döyüşçü göndərən ölkələrdən biridir.

Buradan belə nəticəyə gəlmək olar ki, Fransa erməni hərbçiləri azərbaycanlılarla müharibəyə və ya hər hansı təxribat üçün hazırlaşdırır. Fransanın təlim keçdiyi düşərgədəki şəxslər Qarabağdan çıxarılan erməni silahlı dəstələrin və separatçıların silahlı qruplarının üzvlərindən ibarət "könüllülərdir". Fransa Ermənistan ordusunu modernləşdirərək həm onlara dəstəyini ifadə etmiş olur, həm də Cənubi Qafqazla bağlı planları üçün hazırlıq görür.

Fransanın Azərbaycanla Ermənistan arasında münasibətlərin gərginləşməsinə xidmət etməsi təəccüb doğurmur. Qərbə yönəlmiş Ermənistanı bu meylindən istifadə edərək Rusiyanı "gizli" formada zəiflətmək Fransanın Cənubi Qafqazla bağlı əsas planlarından biridir. Bu plan uğrunda Ermənistan əlindən gələni edir, ABŞ da var gücü ilə dəstəyini ifadə edir.

Rəsmi Bakının isə mövqeyində hər hansı dəyişiklik yoxdur. Azərbaycan XİN dəfələrlə İrəvana sülh çağırışı edib, bunun üçün uyğun platforma təklifi də irəli sürülüb. Ermənistan isə hələ də sülhdən yayınmağa, Rusiyadan uzaqlaşmağa, Makronun dediklərini etməyə davam edir. Bu isə birbaşa Cənubi Qafqazda gərginliyə xidmət edir, regionda sülhün və sabitliyin bərqərarına əngəl törədir.

İslam
Milli.Az