Siyasət

Qafqazda sülhün bərqərar olması üçün hər iki tərəfə diqqət yetirilməlidir - Hikmət Hacıyev

14 Sentyabr 2023 07:43

Baxış: 727

#SİYASƏT

Qafqazda sülhün bərqərar olması üçün hər iki tərəfə diqqət yetirilməlidir.

Milli.Az Trend-ə istinadən bildirir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" ("Twitter") platformasında paylaşımında qeyd edib.

"Azərbaycanın bu bölgəsi - Qarabağ 30 il ərzində qonşu Ermənistan tərəfindən işğal olunub. 1990-cı illərin əvvəllərində 1 milyona yaxın azərbaycanlının öz torpaqlarında etnik təmizləməyə məruz qaldığı amansız müharibədən sonra işğalçı Ermənistan silahlı qüvvələri bu ərazinin minlərlə kvadrat metrini minalayıb. Orada, Azərbaycanda qalan etnik ermənilərin icması Ermənistanla vahid quru yolu - Laçın yolu ilə əlaqə saxlayırdı.

Qanunsuzluğun və minaların bu boz zonası üç il əvvələ qədər, Azərbaycan 44 günlük münaqişədə Qarabağ ərazisinin böyük hissəsini azad edənə qədər mövcud idi" - Hacıyev vurğulayıb.

Milli.Az