Siyasət

Ermənistanın cari vəziyyəti: Təcrid olunmuş və unudulmuş

11 May 2025 10:53

Baxış: 682

#ERMƏNİSTAN

Ermənistanda siyasi məntiq, beynəlxalq hüquq normaları və diplomatik davranış kodeksləri uzun müddətdir ki, unudulub.

Ermənistanda hələ də köhnə, imperialist və etnosentrik yanaşmalardan əl çəkilmir. Bu isə onu göstərir ki, Ermənistan rəhbərliyi keçmiş səhvlərdən dərs almaq əvəzinə, həmin yanlışları təkrar edir.

Nikol Paşinyan hakimiyyətinin uğursuz diplomatiyası nəticəsində ölkə dünyadan təcrid olunmuş vəziyyətə gəlib çıxıb.

Paşinyanın Moskvaya səfəri növbəti dəfə Ermənistanın cari vəziyyətini müxtəlif formalarda sərgilədi.

Sosial şəbəkələrdə geniş yayılan bir fotoda Paşinyan həmkarlarından təcrid olunmuş halda oturub və Ermənistanın cari mövqeyini əks etdirir. Paşinyanın timsalında Ermənistan hazırda həm regionda həm də dünyada bu mövqedədir.

Təcrid olunmuş və unudulmuş

Sülhdən qaçan və regionda alət olmağa davam edən Ermənistan bugün bu mövqedədir. İndi heç kimə lazım deyil, unudulub və illərlə aparılam yalnış diplomatiya onun təcrid olunmasına gətirib çıxarıb.

Sülhə real töhfə vermək əvəzinə, Ermənistanın siyasi elitası daxili ictimai rəyə hesablanmış populist çıxışlara və beynəlxalq aləmi aldatmağa yönəlmiş ritorikaya üstünlük verir. Tarixi və hüquqi reallıqlara deyil, mifoloji yanaşmalara əsaslanan bu mövqe region üçün təhlükəli nəticələr doğurur.

Əgər Ermənistan həqiqətən də regionda davamlı sülh istəyirsə, bu yalnız real niyyət və ardıcıl addımlarla mümkündür. Təxribatları dayandırmaq, güc tətbiqindən imtina etmək və şəffaf danışıqlara sadiq qalmaq əsas şərtlərdir. Əks halda, sülh yalnız ritorik səviyyədə qalacaq və regionda sabitlik əvəzinə daha dərin böhran yarana bilər.

Asif Mehman
Milli.Az