Türkiyə

Türkiyədəki dəhşətli avtobus qəzasının ANBAAN görüntüsü

10 May 2025 23:47

Baxış: 2 459

VTB-də minimal faiz dərəcəsi ilə nağd kredit 9.9%-dən

#VİDEO #QƏZA

Türkiyənin Beylikdüzü əyalətində baş verən və 1 nəfərin həyatını itirdiyi metrobüs qəza anı dayanacaqda yerləşən təhlükəsizlik kamerasına əks olunub. Görüntülərdə sürətlə gələn metrobüsün, dayanacaqda sərnişin gözləyən başqa bir metrobüsə arxadan çırpıldığı, sərnişinlərin isə metrobüsdən dayanacağa doğru atıldığı anlar aydın görünür.

Qəza saat 16:00 radələrində baş verib.

Milli.Az Türkiyə mətbuatına istinadən xəbər verir ki, Böyükçekmecə istiqamətində hərəkətdə olan bir metrobüs, Haramidere Sənaye dayanacağında eyni istiqamətdə hərəkət edən başqa bir metrobüsə arxadan çırpılıb. Toqquşmanın təsiri ilə qəzanı törədən metrobüsdəki bir nəfər həyatını itirib, 2-si ağır olmaqla ümumilikdə 40 sərnişin yaralanıb.

Hadisə yerinə təcili tibbi yardım, polis və yanğınsöndürənlər cəlb olunub. Yaralılara ilk tibbi müdaxilə göstərildikdən sonra xəstəxanaya aparılıblar. Qəzanın baş verdiyi Haramidere metrobüs dayanacağı hava görüntüsü ilə çəkilib, ərazidə isə hələ də araşdırma və təmizlik işləri davam edir.

Lalə Qüdrətova
Milli.Az