Siyasət

FETÖ ilə mübarizə 3-5 şəxsin həbs edilməsi ilə bitməyəcək - General

29 İyul 2023 20:22

Baxış: 1 740

#SİYASƏT #FETÖ

FETÖ terror təşkilatı ilə mübarizədə Azərbaycanın atdığı addımlar çox doğrudur.

Milli.Az xəbər verir ki, bu barədə Trend-ə açıqlamasında Türkiyənin Azərbaycandakı keçmiş hərbi attaşesi, ehtiyatda olan general Yücel Karauz deyib.

O qeyd edib ki, FETÖ terror təşkilatı yalnızca Türkiyədə yox, dünyada təxminən 170 ölkədə fəaliyyətini genişlədən bir terror təşkilatıdır.

"15 iyulda Türkiyədə xaincəsinə olan dövlət çevrilişinə cəhd nəticəsində onların əsl üzü ortaya çıxdı və onlara qarşı mübarizə başladı. FETÖ ilə mübarizə onunla əlaqəli şəxslərin həbsi ilə sonlanacaq bir proses deyil. Bu terror təşkilatı ilə mübarizə uzun illər davam etməlidir. FETÖ ilə mübarizə yalnızca Türkiyəyə aid deyil. Başda Türk Dövlətləri Təşkilatına üzv ölkələr olmaqla, dost ölkələrdə öz milli təhlükəsizliyi üçün mübarizə aparmalıdır. Belə bir anlayış formalaşıb ki, sanki FETÖ ilə mübarizə Türkiyə üçündür. Bu yalnışdır. Çünki illər boyu məktəblər vasitəsilə tədris prosesinə sızma nəticəsində bu terror təşkilatı həmin ölkədəki yüksək səviyyəli şəxsləri ələ keçirəcək səviyyəyə gəlib. Bunların 30 illik bir fəaliyyəti var. Bu fəaliyyət onlarla bağlı 3-5 şəxsin həbs edilməsi ilə bitməyəcək",- deyə o bildirib.

Y.Karauz həmçinin əlavə edib ki, Azərbaycan FETÖ terror təşkilatı ilə mübarizəyə çox sürətli şəkildə başladı.

"Azərbaycan dost və qardaş ölkəmizdir və çox sürətli bir şəkildə FETÖ ilə mübarizəyə başladı. 2016-cı ildən etibarən bir universitet, 17 məktəb, yüzlərcə kursu bağladı. Bu mübarizədə Azərbaycanın atdığı addımlar çox doğrudr. FETÖ terror təşkilatı ilə mübarizə davam etməlidir",- deyə ehtiyatda olan general vurğulayıb.

Milli.Az