Siyasət

Kanada Ukraynaya 4 "Leopard" verə bilər

26 Yanvar 2023 08:03
Baxış: 391

Kanada 4 ədəd "Leopard 2" tankını Ukraynaya verməklə "tank koalisiyasına" qoşula bilər.

Milli.Az Trend-ə istinadən bildirir ki, Kanada 4 ədəd "Leopard 2" tankını Ukraynaya verməyi düşünür, lakin hələlik heç bir qərar verilməyib.

Qeyd olunur ki, tankların təhvil verilməsi barədə açıqlama artıq cümə axşamı verilə bilər. "Həmsöhbətlərdən biri Kanadanın Ukraynaya ölkənin silahlı qüvvələrində ən köhnə olan A4 modelli tankı verəcəyini deyib. Kanada A4-ü Əfqanıstandakı müharibə zamanı Niderlanddan alıb", - deyə məlumatda bildirilir.

Eyni zamanda, ölkənin baş naziri Castin Trüdo çərşənbə günü tankların təhvil verilməsi ilə bağlı öhdəlik götürməyib: "Bu gün mən heç bir açıqlama verməyəcəyəm, amma sizi əmin edirəm ki, biz Ukraynaya kömək etmək üçün başqa nə edə biləcəyimizi çox diqqətlə nəzərdən keçiririk".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.