Siyasət

Azərbaycan, Rusiya və Ermənistan baş nazirlərinin müavinlərinin görüşü keçirilib

7 Dekabr 2022 07:00
Baxış: 1 020

Dekabrın 6-da Moskvada Azərbaycan Respublikası Baş nazirinin müavini Şahin Mustafayev, Ermənistan Respublikası Baş nazirinin müavini Mher Qriqoryan və Rusiya Federasiyası Hökumətinin sədrinin müavini Aleksey Overçukun birgə sədrliyi ilə Üçtərəfli İşçi Qrupunun 11-ci iclası keçirilib.

Trend bu barədə çərşənbə günü Rusiya hökumətinin saytına istinadən xəbər verir.

Məlumata əsasən, tərəflər Azərbaycan və Ermənistan arasında münasibətlərin normallaşdırılması, eləcə də onlar arasında iqtisadi və nəqliyyat əlaqələrinin açılması səylərində Rusiyanın müsbət rolunu qeyd ediblər.

Görüşdə dəmir yolunun tikintisi, dəmir yolu əlaqəsinin inkişafı və Azərbaycan, Ermənistan, Rusiya və regionda daşımaların təşkili məsələləri müzakirə olunub.

Qeyd olunub ki, tərəflər Azərbaycan, Ermənistan və Rusiya liderlərinin regionda nəqliyyat və iqtisadi əlaqələrin blokdan çıxarılması ilə bağlı üçtərəfli bəyanatlarının icrası üzərində işi davam etdirəcəklər.

Azərbaycan və Ermənistan tərəfləri görüşün yüksək səviyyədə təşkilinə və qonaqpərvərliyə görə Rusiya tərəfinə minnətdarlıqlarını bildiriblər.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.