Siyasət

"milyonlarla qurbanı olan nüvə müharibələri olacaq""

1 Oktyabr 2022 22:58
Baxış: 1 509

"Rusiyanın nüvə şantajına cavab sərt və birmənalı olmalı, nüvə təcavüzkarına güzəşt ideyasını rədd etməlidir. Əks halda, hər bir iddialı diktator nüvə silahı əldə etməyə çalışacaq, ona malik olmayan hər bir ölkə özünümüdafiə üçün bu silahı əldə etməyə çalışacaq. Nüvə silahlarının yayılmaması ilə bağlı razılaşmalar faydasız olacaq. Sonra milyonlarla qurbanı olan nüvə müharibələri olacaq".

Milli.Az "Report"a istinadən bildirir ki, bu fikirləri Ukrayna Prezident Ofisinin rəhbəri Andrey Yermak bildirib.

Onun fikrincə, bu gün sivil dünya qətiyyət nümayiş etdirməli və Rusiyaya başa salmalıdır ki, rəsmi Moskva, nə ilhaq cəhdindən, nə də nüvə şantajından yaxa qurtarmayacaq.

"Belə həlledici addımlardan biri də bu yaxınlarda tövsiyələri təqdim edilmiş Kiyev Təhlükəsizlik Müqaviləsinin imzalanması ola bilər. Sentyabr ayında NATO-nun keçmiş baş katibi Anders Foq Rasmussen və beynəlxalq ekspertlər qrupu ilə məsləhətləşmələr əsasında bir sıra tövsiyələr hazırlanıb. Biz Ukraynanı və bir sıra qarant dövlətləri birləşdirən strateji tərəfdaşlıq haqqında sənəd olan Kiyev Təhlükəsizlik Müqaviləsinin hazırlanmasına çağırdıq".

Onun sözlərinə görə, bu müqavilənin prinsipi sadədir: "Ukraynanın təhlükəsizliyi ilk növbədə özünü müdafiə etmək qabiliyyətindən asılıdır. Bunu səmərəli etmək üçün Ukraynaya müttəfiqlərinin uzunmüddətli dəstəyi lazımdır. Bu saziş Ukraynanın müdafiə qabiliyyətinin gücləndirilməsinə əməli yardım göstərmək məqsədi daşıyır".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.