Siyasət

Əsəd rejimindən Ankaraya mesaj – “Buna hər an hazırıq”

27 Sentyabr 2022 21:11
Baxış: 1 152
#SURİYA

Türkiyənin Bəşər Əsəd rejimi ilə dialoqa "yaşıl işıq" yandıran açıqlamaları gündəmdə olarkən, Suriya xarici işlər naziri Feysəl Mikdaddan diqqətçəkən açıqlama gəlib.

Milli.Az teleqraf.com-a istinadən bildirir ki, BMT Baş Assambleyasının Nyu-Yorkdakı sammitində çıxış edən nazir Türkiyə ilə yaxşı və normal münasibətlər qurmağa hər zaman hazır olduqlarını deyib.

"2009-2010-cu illər arasında Türkiyə ilə münasibətlər əla idi, hətta maraqlarımıza cavab verməyən addımlar da atdıq, bəzən münasibətlərimizi gücləndirmək üçün fədakarlıqlar da etdik", - Mikdad bildirib.

Çıxışının davamında məcburi köçkün və qaçqın suriyalılara müraciət edən nazir onları ölkələrinə qayıtmağa çağırıb.

Bundan əvvəl "Röyter" agentliyi Türkiyə Milli Kəşfiyyat Təşkilatının (MİT) rəisi Hakan Fidanın bu yaxınlarda Dəməşqdə suriyalı həmkarı Əli Məmlüklə görüşdüyünü yazıb.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.