Siyasət

"Azərbaycanla Ermənistan arasında saziş..."

23 Sentyabr 2022 23:58
Baxış: 1 187

Ümid edirik ki, Ermənistanın təxribatları yeni bir müharibəyə çevirilməz.

Milli.Az APA-ya istinadən xəbər verir ki, bunu Türkiyə Prezidentinin sözçüsü İbrahim Kalın "NTV" kanalına müsahibəsində bildirib.

O qeyd edib ki, indiki vəziyyətə nəzər yetirdikdə məlum olur ki, hər iki tərəfin məsələlərin yenidən danışıqlar yolu ilə həll edilməsi üçün iradəsi var.

"Təməl problem budur ki, 44 günlük müharibədən sonra atəşkəs sazişi imzalandı, amma sülh sazişi yox. İndi bu müzakirələr davam edir. Bu, təbii ki, hərtərəfli bir sazişdir. Artıq iki dövlətin normallaşmaya gedəcək prosesdəki addımları, sərhədləri, sərhədlərin təhlükəsizliyi, dəhlizi, Azərbaycan ərazisində qalan ermənilərin vəziyyətini müəyyən edəcək bir sənəd olacaq. Bu sazişin imzalanması Qafqazda sülh və sabitliyin bərqərar olmasında kritik rol oynayacaq", - deyə o bildirib.

Kalın əlavə edib ki, burada hər hansı ünsürün yanlış istifadəsi yaxın illərdə yenidən müharibəyə yol aça bilər. Eyni zamanda, Azərbaycan ərazisində müvəqqəti yerləşdirilən Rusiya sülhməramlıları məsələsi də öz həllini tapmalıdır və imzalanacaq saziş bu məsələni də əhatə edir.

Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics