Siyasət

Zabux və Susdan YENİ GÖRÜNTÜLƏR: Ermənilər kəndləri belə dağıdır - VİDEO

18 Avqust 2022 21:02

0 Şərh Baxış: 2 453

#SİYASƏT

Əzəli və əbədi Azərbaycan torpaqlarında yerləşdirilən ermənilər əslində bir gün oranı tərk edəcəklərini bilməli idilər. Ancaq Laçının Zabux və Sus kəndlərindən yayılan görüntülər onu deməyə əsas verir ki, onlar bunu heç vaxt düşünməyiblər. Elə buna görə də, oraları tərk etmək üçün vaxt verilən ermənilər xislətlərini biruza verərək əllərinə nə keçirsə yandırır, apara bildiklərini isə özləri ilə götürürlər. Zabux və susda çəkilən ən son görüntüləri təqdim edirik.

Evlər tam boşaldılır. Daha sonra isə qabda olan benzin evə tökülür. Çox keçmir ki, evə od vurulur. Xislətini hər hərəkətində bəlli edən ermənilər əzəli və əbədi azərbaycan torpağını belə tərk edirlər.

Son yayılan videodan aydın olur ki, Laçının Zabux və Sus kəndlərini tərk edən ermənilər geridə heç nə buraxmaq istəmirlər. Əllərinə keçəni aparır, apara bilmədiklərini isə yandıraraq kül edirlər.

Başqa bir görüntülərdə isə ermənilər minik maşınına az qala özündən böyük əşyalar yükləyirlər. Burada isə yüklər maşınına yığılır. Pəncərə, məhəccərlər və digər dəmir əşyaları da özləri ilə aparırlar.

Belə demək mümkündürsə, ermənilər kəntdə əllərinə keçən, gözlərinə görünən nə varsa aparmağa çalışırlar.

Ermənilər əslində bir gün buranı tərk edəcəkləri bilməli idilər. Çünkü bu torpaqlar əbədi azərbaycan ərazisidir və ayrılmazıdır. Onların buranı tərk edərkən geridə buraxdıqları mənzərə isə sadəcə barbarlıqdır. Təbii ki, onlar nə qədər də dağıtsalar, tezliklə həmin ərazilər yenidən dirçələcək və əsil sakinləri öz yurdlarına qayıdacaqlar.

Milli.Az