Siyasət

"Birbaşa dialoqa töhfə vermək istəyirik" - Vaşinqtondan Bakıya təklif

29 İyul 2022 10:52

Baxış: 1 958

#ERMƏNİSTAN #ABŞ #AZƏRBAYCAN

"ABŞ Azərbaycan və Ermənistan arasında birbaşa dialoqa töhfə vermək istəyir".

Bu barədə ABŞ Dövlət Departamentinin Mətbuat Xidmətindən məlumat verilib.

"Cənubi Qafqazda regional nəqliyyat əlaqələrinin yaxşılaşdırılması regional iqtisadi artım perspektivlərinə müsbət təsir göstərə və Ermənistanla Azərbaycan arasında hərtərəfli sülhə şərait yarada bilər", - Dövlət Departamenti vurğulayıb.

Xatırladaq ki, iyulun 25-də ABŞ-ın Dövlət katibi Entoni Blinken Azərbaycan Prezidenti İlham Əliyevə zəng edib. Söhbət zamanı E.Blinken qeyd edib ki, ABŞ Ermənistanla Azərbaycan arasında münasibətlərin normallaşmasının tərəfdarıdır. Dövlət katibi həmçinin ABŞ-ın Ermənistan və Azərbaycan arasında nəqliyyat əlaqələri və kommunikasiyaların açılmasına və bu sahədə texniki dəstək verməyə hazır olduğunu bildirib.

Milli.Az