Siyasət

Bu sahədə ehtiyatın yaradılması üçün vəsait ayrılıb - Samir Şərifov

23 İyun 2022 12:56
Baxış: 634

Azərbaycan ərzaq təhlükəsizliyi sahəsində ehtiyatın yaradılması üçün vəsait ayırır.

Milli.Az Trend-ə istinadən bildirir ki, bunu maliyyə naziri Samir Şərifov deyib.

"Ərzaq məhsullarının qiymət artımını nəzərə alsaq, bu il üçün dövlət büdcəsinə dəyişikliklər çərçivəsində ərzaq təhlükəsizliyi sahəsində ehtiyatın yaradılması məqsədilə 193 milyon manat vəsait ayrılıb", - deyə nazir bildirib.

Onun sözlərinə görə, hökumət Azərbaycan Prezidentinin tapşırıqlarına uyğun olaraq müəyyən antiinflyasiya tədbirləri hazırlayıb və reallaşdırır.

"Onların böyük əksəriyyəti Azərbaycana idxal olunan qida məhsullarına mövcud gömrük rüsumları və müəyyən vergilərin aradan qaldırılması ilə bağlıdır. Bununla bağlı müvafiq qərarlar qəbul edilir. Hesab edirik ki, bu qərarların reallaşdırılması nəticəsində qiymətlərdə müəyyən azalma olacaq", - S.Şərifov deyib.

Milli.Az 

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.