Siyasət

Paşinyandan Brüssel görüşü barədə müsbət fikirlər

24 May 2022 22:00
0 Şərh     Baxış: 1 341
#ERMƏNİSTAN

Ermənistanın baş naziri Nikol Paşinyan ABŞ-ın dövlət katibi Entoni Blinkenlə telefon danışığı keçirib.

Milli.Az teleqraf.com-a istinadən bildirir ki, bu barədə Ermənistan Nazirlər Kabinetinin mətbuat xidməti məlumat yayıb.

Qeyd olunub ki, N.Paşinyan mayın 22-də Brüsseldə Azərbaycan prezidenti İlham Əliyev və Avropa Şurasının prezidenti Şarl Mişel ilə üçtərəfli görüşü müsbət qiymətləndirib.

"Həmsöhbətlər Dağlıq Qarabağ münaqişəsinin həlli, regional kommunikasiyaların açılması, regional təhlükəsizlik məsələləri ətrafında fikir mübadiləsi aparıblar. Baş nazir Paşinyan mayın 22-də Brüsseldə keçirilən üçtərəfli görüşlə bağlı təəssüratlarını bölüşüb, görüşün ümumilikdə müsbət keçdiyini vurğulayıb", - məlumatda deyilir.

Məlumatda vurğulanıb ki, Blinken hökumətin regionda sabitlik və sülhün bərqərar olması istiqamətində səylərini, həmçinin ölkədə demokratik islahatlar prosesini yüksək qiymətləndirib:

"Dövlət katibi ABŞ-ın Ermənistanda demokratik islahatlara, Qarabağ münaqişəsinin həllinə, Ermənistan-Azərbaycan sərhədinin demarkasiyasına və regionda kommunikasiyaların açılmasına dəstəyi davam etdirməyə hazır olduğunu təsdiqləyib".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.