Siyasət

Sovet rəhbərliyinin Azərbaycan xalqına qarşı dəhşətli cinayəti - “Əsas məsələ”də MÜZAKİRƏ - VİDEO

20 Yanvar 2022 17:13
1 Şərh     Baxış: 593

1990-cı il yanvar faciəsinə aparan yol azərbaycanlıların Ermənistandakı tarixi torpaqlarından növbəti kütləvi deportasiyasının, Dağlıq Qarabağın Ermənistana birləşdirilməsi cəhdlərinin geniş vüsət aldığı 1987-ci ildən başlayıb. Artan xətt üzrə davam edən gərginliyin qarşısını almaq əvəzinə, sovet rəhbərliyi Azərbaycan xalqına qarşı dəhşətli cinayət işlədib.

1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhali ağır texnikadan və müxtəlif tipli silahlardan atəşə tutularaq kütləvi qətlə yetirilib. Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıq və misli görünməmiş vəhşiliklə müşayiət edilib. Fövqəladə vəziyyətin tətbiqi əhaliyə elan olunanadək hərbi qulluqçular 82 nəfəri amansızcasına qətlə yetirib, 20 nəfəri ölümcül yaralayıb. Fövqəladə vəziyyət elan edildikdən sonra isə bir neçə gün ərzində Bakı şəhərində 21 nəfər öldürülüb. Fövqəladə vəziyyətin elan olunmadığı rayon və şəhərlərdə - yanvarın 25-də Neftçalada və yanvarın 26-da Lənkəranda daha 8 nəfər qətlə yetirilib.

Beləliklə, qoşunların qanunsuz yeridilməsi nəticəsində Bakıda və ətraf rayonlarında 131 nəfər öldürülüb, 744 nəfər yaralanıb. Həlak olanların arasında qadınlar, uşaqlar və qocalar, həmçinin təcili yardım işçiləri və milis nəfərləri olub.

Milli.Az bildirir ki, AzTV-nin "Əsas məsələ" silsilə verilişində "Sovet rəhbərliyinin Azərbaycan xalqına qarşı dəhşətli cinayəti" mövzusunda aparılan müzakirələr zamanı bu barədə ətraflı danışılıb.

"Əsas məsələ" verilişini bütöv şəkildə Azərbaycan Televiziyasının "YouTube" kanalından izləyə bilərsiniz:

Milli.Az

 

Şərh yaz:

1 Şərh:

  • Anonim
    B.Qarabağlı · 21 Yanvar 09:0510

    Gözlənilən, həm də azı iki tərəfli tarixi-mərkəzi və daxili qısqanclıq doğurmuş faciə deyilmi? Demokratiya elan etmiş MƏRKƏZDƏ, KP qəzeti Pravdada Soljenitsın, Saxarov ., siyasətə heç bir dəxli olmayan Bonner, Starovoytova, Qarabağda Balayan, Əyrikyan və d. heç bir cavabsız antiSovet çıxışlar edirlər? Nədənsə, təxribat təşkilatçıları yox, onlara qarşı çıxış edən X.Rza, E.Məmmədov və həbs edilirlər? Milliyə, dinə qayıdış zəmnində məscidlər yandırılır, talan edilir? Təbii ki, bambılı adlandırılan liderlə 2ci plandan siyasətə azdırıcı fiqurlar buraxan söz sahibləri, dövrün xalqın-faciəsinə çox yaxın şahid-şəxslər də var.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics