Neft və qaz

Qlobal bazarlarda "Müharibə həyəcanı": Neft bahalaşır, aksiyalar ucuzlaşır

3 Mart 2026 00:57

Baxış: 414

VTB-də minimal faiz dərəcəsi ilə nağd kredit 10.49%-dən

#NEFT

Hörmüz boğazındakı gərginlik və ABŞ-İsrail koalisiyasının İrana zərbələri qlobal tədarük zəncirini pozmaqla yanaşı, inflyasiya qorxularını da yenidən alovlandırıb.

Milli.Az xəbər verir ki, qlobal etalon hesab olunan Brent markalı neftin qiyməti gün ərzində 6%-dən çox artaraq 78 dollara çatıb. Seansın əvvəlində qiymətlər qısamüddətli olaraq 82 dollara qədər yüksəlib.

Dünya neft və qazının 20%-nin keçdiyi Hörmüz boğazı yaxınlığında həftəsonu ən azı 3 gəminin hücuma məruz qalması bazarlarda təşviş yaradıb.

Analitiklər xəbərdarlıq edirlər ki, münaqişə uzanarsa, enerji qiymətlərinin artması qlobal inflyasiyanı və faiz dərəcələrini yenidən yüksəldə bilər.

İnvestorlar riskli aktivlərdən qaçaraq vəsaitlərini qorumaq üçün qızıla üz tutublar. Volatillik (dəyişkənlik) dövründə "təhlükəsiz liman" sayılan qızıl fyuçersləri əhəmiyyətli dərəcədə bahalaşıb.

ABŞ birjaları (S&P 500 və Nasdaq) günü kəskin düşüşlə açsa da, seansın sonuna doğru itkilərinin bir hissəsini kompensasiya edib. Lakin aviasiya sektoru ən ağır zərbəni alan sahə olub:

Genişmiqyaslı uçuş ləğvləri və hava məkanlarının bağlanması aviaşirkətlərin səhmlərini çökdürüb.

American Airlines: Səhmləri 4%-dən çox ucuzlaşıb.

Air France-KLM: Bazar dəyərinin 9%-dən çoxunu itirib.

Lalə Qüdrətova
Milli.Az