Mobil telefon

Instagram-da daha bir yenilik

1 Noyabr 2014 20:40
0 Şərh     Baxış: 1 943
VTB-də minimal faiz dərəcəsi ilə nağd kredit 9.9%-dən
AdWeek nəşri yazıb ki, fotoşəkil və qısa videoçarxların yerləşdirilməsi üçün Instagram xidməti istifadəçilərə xəbər lentində videoreklamların göstərilməsinə başlayıb.

Instagramın nümayəndələri hələ ötən ilin payızında reklam satışlarına başlamaq planları haqda məlumat vermişdilər.

Milli.Az ICTnews-a istinadən bildirir ki, Instagram 1.5 il əvvəl qısa videoçarxların dərc edilməsini işə salıb və bu funksiyanın pul gətirməsi məsələsi müəyyən vaxt tələb edib.

Güman ki, Instagram videoreklamı brendlərə daha baha qiymətə satır: avtomatik işə düşən 15 saniyəlik çarx formatı statik fotoşəkillə müqayisədə istifadəçinin diqqətini daha çox saxlaya bilər.

Instagram xidmətində videoreklam yerləşdirən birinci brendlərin sırasında Disney, Lancome, Activision və Banana Republic var.

Instagram xidməti 2010-cu ildə istifadəyə verilib. Bu xidmət istifadəçilərə bir-biri ilə fotoşəkil və videoçarxlarla paylaşmağa imkan verir. Instagramın mobil tətbiqindən 200 milyondan çox insan istifadə edir. 2012-ci ildən etibarən şirkət Facebook sosial şəbəkəsinə məxsusdur.
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.