Mobil telefon

O, smartfon istifadəçilərini sevindirəcək

7 Sentyabr 2014 23:44
0 Şərh     Baxış: 1 302
VTB-də minimal faiz dərəcəsi ilə nağd kredit 9.9%-dən
#MOBİL TELEFON #WİRELESS #BROADCOM CORPORATİON
"Broadcom" şirkəti smartfon və "Wi-Fi" marşrutlayıcısı arasında məlumatların saniyədə 650 meqabit sürətində ötürülməsini təmin edəcək yeni simsiz "BC4358" çipini təqdim edib. Lakin yüksək buraxılış qabiliyyəti yalnız uyğun marşrutlayıcı olduğu halda mümkün olacaq.
 
Milli.Az ictnews.az-a istinadən bildirir ki, hazırda bazarda yüksək buraxılış qabiliyyətinə malik marşrutlayıcılar satılır. Onlardan bəziləri "802.11ac" standartını dəstəkləyir ki, bu da bir giqabit tutumlu "Wi-Fi" şəbəkəsinə qoşulmağa imkan verir. Mobil qurğulardakı mikrosxemlər hələ ki belə sürətə malik deyil, lakin "Broadcom" çipi bu istiqamətdə addım atır. 
 
"BC4358" çipi 650 Mbit/saniyə sürətində qoşulmağa imkan verməklə yanaşı, daha iki xüsusiyyətə malikdir. Birincisi, məlumatları bir neçə axına bölən, məlumat axınının göndərilməsi və qəbulu üçün eyni anda 2 axın və antenanı nəzərdə tutan "2х2 MIMO" (Multiple Input Multiple Output" texnologiyasını dəstəkləməsidir. Bu isə o deməkdir ki, smartfon və ya planşet kompüter marşrutlayıcıdakı iki antenadan eyni anda informasiya ala bilər. Əksər mobil qurğular yalnız bir antenadan istifadə edir ki, bu da onların buraxılış qabiliyyətini məhdudlaşdırır.
 
"BC4358"-in ikinci xüsusiyyəti məlumatları həm "Wi-Fi", həm də "Bluetooth" texnologiyaları üzrə ötürməsindədir. Birinci nəsil "Broadcom" çipi belə funksiya ilə təchiz edilməyib.
 
İstehsalçıların "BC4358" çipini öz məhsullarında artıq bu aydan quraşdırmağa başlayacaqları gözlənilir, - vesti.ru yazır.  
 
Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.