Kulinariya

Günün təamı - solyanka - FOTO

13 Fevral 2012 07:00

0 Şərh Baxış: 13 244

VTB-də yüksək depozit faizleri daha çox qazandırır

Tərkibi (4-litrlik qazan üçün):

700 q mal əti
təxminən 1 kq bir neçə növ kolbasa, yaxud hisə verilmiş ət məhsulu (delikates)
150 q yerkökü
150 q soğan
200 q duzlu xiyar (və ya marinad)
5 x.q. tomat pastası
3 x.q. kapers
qara istiot
3-4 dəfnə yarpağı
bitki yağı
limon
göyərti
zeytun (zövqə görə)

Mal ətini kəfini yığmaqla iti olmayan odda, qazanın qapağını örtərək 1,5 saat qaynadın. Çıxarıb soyudun, doğrayın. Soğanı xırdalayın. Yerkökünü sürtgəcin orta gözündən keçirin. Xiyarı kubik, yaxud saman kimi doğrayın.
Delikatesi (məsələn, servelat, ovçu kolbasası, sosiska və s.) ya kubik, ya da saman kimi doğrayın. Bitki yağında azacıq qızardın. Ayrı tavada soğanı bitki yağında qızardın. Kökü əlavə edin, bir az qızartdıqdan sonra duzlu xiyarı əlavə edib 2-3 dəqiqə qızardın. Tomat pastası əlavə edib tavanın qapağını örtün, 5-7 dəqiqə vam odda bişirin. Əgər pasta çox qatıdırsa, azacıq su əlavə edə bilərsiniz.
Bulyonu ocağa qoyun, qaynara düşəndə doğrayıb qızartdığınız delikatesi, sonra isə mal ətini əlavə edib 5-7 dəqiqə qaynadın. Kapersləri (ənginara oxşayan bitkidir, çox zaman duzlu suda konservləşdirilir), sonra isə qızardılmış soğan, kök və xiyarı əlavə edin.
0,5 stəkan duzlu xiyarın, yaxud da zeytunun suyunu qazana tökün. Daha 5-7 dəqiqə qaynadın. Dəfnə yarpağı, istiot, göyərti tökün. Lazım gələrsə, duzlayın. Qazanın qapağını örtüb 15-20 dəqiqə dəm almasını gözləyin. Sonra dəfnə yarpağını çıxarın.
Boşqaba çəkəndə hər boşqaba bir limon dilimi və doğranmış zeytun əlavə edin.

Nuş olsun!

Milli.Az

Böyütmək üçün şəkillərə klikləyin.