İngilis çay saati klassiki: Scone resepti

Çox az yoğrularaq hazırlanan bu xəmir sobada qat-qat yüksələrək içi bulud kimi yumşaq, çölü isə xəfif xırçıltıya sahib olur.

Milli.Az lazımi ərzaqları təqdim edir:
Un: 3 stəkan

Qabartma tozu: 1 xörək qaşığı

Toz şəkər: 3 xörək qaşığı

Duz: Yarım çay qaşığı

Kərə yağı: 75 qram (mütləq çox soyuq və kub şəklində doğranmış)

Soyuq süd və ya qaymaq: 1 stəkan

Yumurta: 1 ədəd (otaq temperaturunda)

Üzəri üçün:

1 yumurta sarısı + 1 xörək qaşığı süd (qarışdırılmış)

Çiyələk və ya moruq mürəbbəsi

Qaymaq və ya bərk çırpılmış qaymaq (krem)

Hazırlanma qaydası
Unu, qabartma tozunu, şəkəri və duzu geniş bir qaba ələyin. Soyuducudan çıxardığınız buz kimi soyuq kərə yağı kublarını unun içinə atın.

Barmaq uclarınızla yağı unla birlikdə əzin. Məqsəd, xəmir yoğurmadan yağı unla bütünləşdirərək nəm qum və ya xırda qırıntı görünüşü əldə etməkdir. (Ovucunuzun içini istifadə etməyin, əlinizin istiliyi yağı əritməməlidir).

Ayrı bir qabda soyuq süd və yumurtanı çalın. Bu maye qarışımı unlu qırıntıların mərkəzinə tökün.

Bir spatula və ya çəngəl vasitəsilə qarışımı yalnız bir-birinə yapışana qədər kobud şəkildə qarışdırın. Xəmiri əsla çörək xəmiri kimi yoğurmayın, əks halda sərtləşər. Xəmir toparlanan kimi qarışdırmağı dayandırın.

Xəmiri yüngülcə unlanmış dəzgahın üzərinə alın. Əlinizlə basaraq düzbucaqlı formasına gətirin. Xəmiri ortadan iki yerə qatlayıb təkrar basın (bu qatlama prosesi scone-ların qat-qat ayrılmasını təmin edir). 2-3 sm qalınlığında düz bir təbəqə halına gətirin.

Dairəvi bir peçenye kəsən və ya ağzı unlanmış bir su stəkanı ilə hamıradan dik şəkildə dairələr kəsin. Kəsəni sağa-sola çevirməyin, çünki kənarları əzilsə, xəmir yaxşı qabarmaz.

Çörəkləri yağlı kağız sərilmiş listə düzün. Üzərlərinə yumurta sarısı və süd qarışığını çəkin. Əvvəlcədən isidilmiş 200°C fırında, üzəri qızılı rəng alana qədər təxminən 12-15 dəqiqə bişirin.

Scone-ları isti ikən kəsib arasına qaymaq və mürəbbə qoyaraq, ənənəvi İngilis çay saati (Afternoon Tea) ritüelini yaşaya bilərsiniz. Nuş olsun!

Müəllif: Ülkər Vəliyeva (Milli.Az redaktor)