Kulinariya

Qaraciyər paştetinin hazırlanması - Usta öz sirlərini açır - VİDEO

3 Noyabr 2019 19:39
10 Şərh     Baxış: 2 301

Milli.Az Lent.az-a istinadən oxucularına növbəti maraqlı resepti təqdim edir.

Bu dəfə sizi sosial şəbəkədə "Bis-Dus Babayeva" adı ilə məşhur olan səhifəyə istinadla qaraciyər paştetinin necə hazırlanması ilə tanış edəcəyik.

Tərkibi:

1 kq qaraciyər, 200 qr qoz, 300 qr yağ, 5 ədəd yumurta, 3 ədəd kök, 2 ədəd dəfnə yarpağı, 1 diş sarımsaq, 4-5 yumru istiot, duz və qırmızı istiot.

Hazırlanma qaydası:

İlk öncə ciyərin pərdəsini soyub, doğrayırıq sonra içərisinə 1 ədəd soğan, dəfnə yarpağını, qara istiotu əlavə edib qoyuruq bişməyə. Ciyər qaynamağa başlayanda üzərinə yığılan köpükləri götürüb, 1 qaşıq duz əlavə edirik. Digər qabda yumurta ilə kökü bişiririk. Sonra soğanları tavada qızardırıq və içərisinə bişirdiyimiz ciyərləri və kökü əlavə edib qovururuq. Daha sonra ciyərləri 3 dəfə ət maşınından keçiririk. Üzərinə isə qozu bir dəfə ət maşınında keçirib duz, istiot və yağı əlavə edib qarışdırırıq. Sonra salafanı taxtanın üzərinə qoyub ət maşınından keçirdiyimiz ciyərləri salafanın üstünə yığırıq və yayırıq. Üzərinə isə yağ çəkirik və salafanda rulet kimi büküb soyuducuya yerləşdiririk. 4-5 saat soyuducuda saxladıqdan sonra doğrayıb süfrəyə veririk.

Nuş olsun!

Milli.Az 

loading...

Şərh yaz:

10 Şərh:

  • Anonim
    ♥️Ebru♥️ · 3 Noyabr 19:4983

    Fon sekilinde rulete benzedi:))Gornusu qesengdi.Qaraciyer sevirem.Soganca,kartoflada onu qovuranda cox qeseng dadli olur..

    Cavab yaz
  • Anonim
    Men · 3 Noyabr 20:1510

    Super hazirlayiram

    Cavab yaz
  • Anonim
    asi · 3 Noyabr 20:3010

    Biş-düşün resrptləri qurmadımı??).. Paştetlə münasibətim neytraldır, amma baxır necədi)..Ümumilikdə isə qaraciyərə münasibətim yaxşıdı).. Xüsusən də manqalda və saciçi şəklində bişəndə).

    Cavab yaz
    • Anonim
      asi · 3 Noyabr 21:0410

      Qurtarmadımı yazacaqdım..Nədənsə, qurmadımı kimi gedib)).

      Cavab yaz
  • Anonim
    Esra Ibrahimli(Samaxi) · 3 Noyabr 20:3636

    Bunu xalam kimi hazirlayan 2 ci bir adam hele gormemisem.. qaraciyer yemediyim halda pastetin xalamin hazirladiqin yeyirem.

    Cavab yaz
  • Anonim
    Mən · 3 Noyabr 21:0210

    Mən də dadlı hazırlayıram.anxaq qızardılmış soğanın yeri yoxdu.xoşlamıram dadını söğanı paştetdə

    Cavab yaz
    • Anonim
      Esra Ibrahimli(Samaxi) · 3 Noyabr 22:3446

      Men sekildeki kimi 100 il qala hazirlaya bilmerem heqieten .Nenem demiş istoriyadı.:))

      Cavab yaz
  • Anonim
    Vika · 3 Noyabr 23:0000

    Soyutma yumurta necə oldu?paştetə soyutma yumurta vurulmur.süfrəyə qoydu amma istifadə edildiyini görmədim

    Cavab yaz
  • Anonim
    Ulya · 4 Noyabr 18:0910

    Mamam həsrət qalıb özü bişirən paştetə mənim üzümdən))) ancaq mən harasa bir həftəlik gedəndə bişirə bilər evdə ciyəri))) yoxsa evə girə bilmərəm

    Cavab yaz
  • Anonim
    lale · 8 Noyabr 10:4500

    bes yumurtani neyniyirik ne vaxt gatirig ciyere?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.