Kulinariya

Mətbəx sirləri: Şüyüd-plov üstəgəl qəzetlə qızardılmış balıq

17 Fevral 2015 07:00
1 Şərh     Baxış: 6 767
VTB-də minimal faiz dərəcəsi ilə nağd kredit 10.49%-dən
#KULİNARİYA
Milli.Az Kəpəz TV-yə (Region TV) istinadən Lənkəran mətbəxinə aid şüyüd-plovun hazırlanma qaydasını təqdim edir.

Tərkibi (6 pay):

1 k uzun düyü
4 ədəd kartof
1 dəstə şüyüd
6 ədəd duzlu balıq
1 st. bitki yağı
duz, istiot

Düyünü bişirməzdən 1 saat əvvəl ilıq suda isladın. Sonra qaynayan duzlu suya əlavə edib bişənə kimi gözləyin. Süzənə yaxın xırda kub formasında doğranmış kartofu düyünün üzərinə əlavə edib təxminən 5 dəqiqə müddətində qaynadın. Ən sonda doğranmış şüyüdü düyünün üzərinə töküb dərhal süzün.

Bu plov üçün qazmaq hazırlanmır. Düyünü dəmə qoyacağınız qazana əlavə edib üzərinə yağ gəzdirin. Sonra vam odun üzərinə qoyub, 40 dəqiqə dəmdə saxlayın.

Üzəri üçün: Aş dəm aldığı müddətdə üzəri üçün olan balıqları bişirin. Bunun üçün əvvəlcədən duzlanmış xırda balıqları qəzetə büküb zəif yanan ocağın üstünə qoyun. Bir neçə dəqiqə ərzində qəzet tam yanacaq və balıqlar odun üzərində bişərək qızaracaq. Sonra balıqları digər üzünə çevirib bir neçə dəqiqə tam bişməsini gözləyib ocaqdan götürün.

Sonda dəmlənmiş aşı boşqaba çəkib üzərinə ocaqda bişirdiyiniz duzlu balıqları da düzüb süfrəyə təqdim edin.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.