Buzluğa qiymə qoyarkən niyə üzəri oxlovla hamarlanır?

Oxlovla basılan qiymə paket içində nazik və səliqəli forma aldığı üçün qablaşdırma prosesini asanlaşdırır. Hamarlama zamanı paketin içindəki artıq havanın çıxarılması da daha rahat olur. Qiymənin hər tərəfinin eyni qalınlıqda olması buzluqda qeyri-bərabər şəkildə donmasının qarşısını almağa kömək edir. Bu üsul sayəsində qiymə həm daha səliqəli saxlanılır, həm də istifadə ediləcəyi zaman daha asan hissələrə bölünür.

Milli.Az xəbər verir ki, qiyməni buzluğa qoymamışdan əvvəl oxlovla hamarlamaq ətin qalınlığını azaldır. Nazik və bərabər təbəqə şəklində hazırlanan qiymə daha qısa müddətdə donur. Beləliklə, qiymə daha balanslı şəkildə soyuyur. Qalın qiymə topasının ortasının donması daha çox vaxt ala bilər. Sürətli donma qiymənin toxumasının və təravətinin daha yaxşı qorunmasına kömək edir. Məhz buna görə də hamarlama prosesi həm praktik, həm də saxlama baxımından sərfəlidir.

Hamarlanan qiymə dairəvi və ya qalın paketə nisbətən daha az həcmli olur. Nazik paketlər buzluqda üst-üstə və ya yanaşı daha asan düzülür. Beləliklə, siyirmələrdə istifadə oluna biləcək sahə daha səmərəli dəyərləndirilir. Xüsusilə kiçik buzluqlarda bu üsul vacib yer qənaəti təmin edə bilər. Paketlərin düz olması digər qidaların üzərinə balanslı şəkildə qoyulmasını da asanlaşdırır. Nəticədə buzluq daha səliqəli hala gəlir.

Ehtiyac qədərini ayırmağı asanlaşdırır
Oxlovla hamarlanan qiymənin üzərinə bıçaqla yüngül xəttlər çəkərək porsiyalar müəyyən etmək olar. Bu xəttlər qiymə tamamilə donmamışdan əvvəl hissələrin daha asan ayrılmasını təmin edir. Beləliklə, hər dəfə bütün qiyməni əritməyə ehtiyac qalmır. Yemək bişirərkən ehtiyacınız olan miqdarı daha rahat istifadə edə bilərsiniz. Xüsusilə kiçik porsiyalarla yemək hazırlayanlar üçün bu üsul olduqca pratiktir. Qiymənin porsiyalara bölünməsi həm vaxt, həm də qida tullantısının qarşısının alınması baxımından rahatlıq yaradır.

Əritmə müddətini qısaldır
Nazik şəkildə qablaşdırılan qiymə qalın kütləyə nisbətən daha tez əriyir. Bu hal xüsusilə yemək hazırlamağa qısa müddətdə başlamaq istədiyiniz zamanlarda üstünlük qazandırır. Qiymə soyuducuda daha nəzarətli şəkildə əridilir. Nazik paket sayəsində istiliyin ətə çatması daha asan olur. Beləliklə, xarici hissənin əriyib, daxili hissənin uzun müddət donuq qalması kimi hallar azalır. Buna görə də oxlovla hamarlamaq təkcə buzluqda yer qazanmaq üçün deyil, həm də istifadə rahatlığı baxımından faydalıdır.

Müəllif: Ülkər Vəliyeva (Milli.Az redaktor)