Kulinariya

Şüyüdlü krep ruleti resepti

23 İyun 2026 21:20

Baxış: 1 960

VTB-də minimal faiz dərəcəsi ilə nağd kredit 9.9%-dən

#KULİNARİYA

Yumşaq kreplərin şüyüdün təravətli aroması ilə birləşdiyi bu resept krem pendir və təzə tərəvəzlərlə zənginləşərək səhər yeməyi və "brunch" süfrələrinizin ulduzu olacaq.

Milli.Az lazımi ərzaqları təqdim edir:
Krep üçün:

Yumurta: 3 ədəd

Süd: 1 stəkan

Bitki yağı: 1 xörək qaşığı

Şüyüd: 1 dəstə (xırda doğranmış)

Duz: 1 çay qaşığı

Un: 1 stəkan

İçlik üçün:

Xiyar: 1 ədəd

Roka (rukkola): 4-5 budaq

Salam (və ya vetçina): 1 paket

Krem pendir: Yarım paket

Hazırlanma qaydası
Yumurta, süd, bitki yağı, xırda doğranmış şüyüd, duz və unu dərin bir qabda pürüzsüz hala gələnə qədər çalın.

İsinmiş tavaya bir çömçə xəmir tökərək nazik şəkildə yayın. Krepləri hər iki üzünü qızılı rəng alana qədər bişirib soyumağa qoyun.

Soyumuş kreplərin üzərinə krem pendiri bərabər şəkildə çəkin. Üzərinə salam dilimləri, roka yarpaqları və incə doğranmış xiyarları düzün.

Krepləri möhkəm rulet şəklində bükün.

Hazırladığınız ruloları təxminən iki barmaq enində dilimləyərək servis qabına yığın.

İlıq və ya soyuq halda süfrəyə verə bilərsiniz. Nuş olsun!

Müəllif: Ülkər Vəliyeva (Milli.Az redaktor)

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ