Kulinariya

İsveç Keksi – Kladdkaka

18 May 2026 07:07

Baxış: 4 877

VTB-də minimal faiz dərəcəsi ilə nağd kredit 9.9%-dən

#KULİNARİYA

İsveç mətbəxinin ən məşhur şirniyyatlarından biri olan Kladdkaka içi nəm, kənarları isə xırtıldayan quruluşu ilə tanınır. Bu keksin ən böyük sirri unun az, şəkər və yağın bol olmasıdır.

Milli.Az bu ləzzətli reseptin detallarını təqdim edir:

Lazım olan inqrediyentlər
Soba sinisi üçün:

Kərə yağı (qabı yağlamaq üçün)

2 ovuc çörək qırıntısı (panko)

Keks xəmiri üçün:

200 q kərə yağı

200 q tünd (bitter) şokolad (təxminən 1,5 su stəkanı)

250 q şəkər tozu (1 tam dörddə bir stəkan)

4 ədəd yumurta

40 q un (yarım su stəkanı)

Üzəri üçün:

Dəniz duzu

Hazırlanma qaydası
24 sm-lik kilitli dairəvi keks qabının hər tərəfini kərə yağı ilə yağlayın. Tavanı isidib çörək qırıntılarını (panko) rəngi bir az dönənə qədər qovurun. Qovrulmuş qırıntıları yağlanmış qabın içərisinə tökün və hər tərəfə bərabər yayılmasını təmin edin.

Bir qazanda kərə yağını əridin. Ərimiş yağı qarışdırma qabına götürün, üzərinə xırda doğranmış şokoladları əlavə edib şokolad tam əriyənə qədər çırpma teli ilə qarışdırın.

Şəkər tozunu əlavə edib qarışdırmağa davam edin.

Yumurtaları tək-tək sındıraraq xəmirə yedizdirin.

Son olaraq unu əlavə edin və tam qarışana qədər çalın.

Hazır olan xəmiri qaba boşaldın. Üzərinə bir az dəniz duzu səpin (duz şokoladın dadını daha da önə çıxaracaq). Əvvəlcədən 180°C qədər isidilmiş sobada 25 dəqiqə bişirin.

Kladdkaka bişəndən sonra sobadan çıxaranda orta hissəsi hələ bir az "oynaq" (tam bərkiməmiş) olmalıdır. Soyuduqca daxili hissəsi o məşhur saqqızlı və nəm teksturasını alacaq. Yanında bir top dondurma və ya çalınmış qaymaqla servis edə bilərsiniz.

Nuş olsun!

Lalə Qüdrətova
Milli.Az

Milli.Az - Xəbər Portalı

İsveç Keksi – Kladdkaka

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?