PUL
.png)
Kartof qızartması çox sevilən, lakin həddindən artıq yağ çəkdiyi üçün zərərli hesab olunan qidadır. Ev şəraitində həm içi yumşaq, həm də çölü xırtıldayan kartof əldə etmək üçün elm adamları ənənəvi qızartma ilə mikrodalğalı sobanı birləşdirməyi məsləhət görürlər.
Milli.Az xəbər verir ki, bu metodun sirri kartofu yağda qızartmazdan əvvəl mikrodalğalı sobada bir müddət qızdırmaqdır.
Kartofları dilimlədikdən sonra onları mikrodalğalı sobaya qoyun. Bu proses kartofun daxilindəki suyun buxarlanmasını təmin edir.
"Current Research in Food Science" jurnalında dərc olunan işə görə, daxili su buxarlandıqda kartofda "pozitiv təzyiq" yaranır.
Bu təzyiq sayəsində kartofu qaynar yağa atdıqda, o, daxilinə daha az yağ çəkir. Beləliklə, kartof daha az kalorili olur, lakin xırtıltısı artır.
Mütəxəssislər xəbərdarlıq edirlər ki, kartofu yalnız mikrodalğalı sobada bişirməyə çalışmaq yaxşı nəticə vermir, çünki bu, kartofları həddindən artıq yumşaldır. İdeal nəticə üçün mikrodalğalı sobada "ön hazırlıq" edib, sonra qısa müddətli yağda qızartmaq lazımdır.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.png)
