Kulinariya

Lənkəranlı aşpazdan yeni plov növü - “Çəmə plov” - VİDEO - FOTO

30 May 2022 21:50
3 Şərh     Baxış: 6 209

Azərbaycan mətbəxinin şahı sayılan plovun ölkəmizdə 200-ə yaxın növü var. Bunlardan şah plov, şüyüd plov, toyuq plov, çığırtma plov, qiymə plov, döşəmə plov, səbzi-qovurma plov, boranı plov, lobya plov, fisincan plov, südlü plov, kükü plov çox bişirilir.

Milli.Az AZƏRTAC-a istinadən bildirir ki, cənub bölgəsində daha çox bişirilən cücə plovdur. Gənc aşpaz Tural Kərimli isə cücə plovu fərqli formada hazırlayaraq adını "çəmə plov" qoyub. Görünüşündən pizzaya oxşayan bu dadlı yeməyin hazırlanması sizə də maraqlı gələcək.

Tural Kərimli yeməyin hazırlanma qaydasından danışaraq deyib: "Çəmə" bizim deməkdir, yəni bizim plov. Çəmə plovu hazırlamaq üçün əvvəlcə düyü suda dəmə qoyulur ki, qazmaq alaq. Qazanda dəm alan düyüdən qazmaq hazırlamaq üçün bir stəkan qatıq tökülür, 5 yumurta əlavə olunaraq qarışdırılır. Sonra az miqdarda duz əlavə edilir və düyü ilə qarışdırılır. Sonra tavaya 100 qram yağ əlavə edilərək isidilir. Tava tam qızdıqdan sonra düyü qarışığı tökülür. Qabın ağzı bağlanaraq sobaya qoyulur".

Bu yeməyin hazırlanması üçün mütləq kənd cücəsi seçmək lazımdır. Cücə 4 yerə bölünür, duz-istiot vurulur. Sonra üzərinə alça turşusu əlavə olunur, əl ilə yaxşı qarışdırılır. İsti tavaya 100 qram kərə yağı atılır, yağ əridikdən sonra cücəni qoyub, üzərinə 250 qram su əlavə edilir.

"Yeməyə əlavə dad verəcək ləvəngini hazırlamaq üçün 1 baş ağ soğan, 1 baş qırmızı soğan, 100 qram qoz ləpəsi doğranaraq kiçik qabda qarışdırılır. Sonra cücənin bişdiyi tavaya tökülür. Bir saat qazanda bişməsi üçün gözləyirik. Qazmaq hazır olan kimi onu süfrəyə gətiririk. Bu zaman ləvəngi ilə bişən cücəni qazandan götürüb onu sümüyündən ayırırıq. Didilən toyuq ətini tam şəkildə qazmağın üzərində yayırıq. Üzərinə 50 qram zirinc əlavə edirik. Sonra bu yeməyin üzərinə kiçik doğranmış pendir tökülür. İki pomidor dilimlənərək yeməyin üzərinə qoyulur. Daha sonra bişməsi üçün sobaya verilir. 20 dəqiqədən sonra üzərindəki pendir əriyir və yemək tam hazır olur", - deyə aşpaz bildirib.

Düzdür, bu yeməyi görənlər onu pizzaya bənzədəcək. Amma bu, gənc aşpazın özünün hazırladığı və adını da özünün verdiyi "Çəmə plov"dur.

Milli.Az

Məqaləyə dair fotomateriallar:

13,99%-dən 40 000 AZN-dək zaminsiz, komissiyasız KREDİT

Şərh yaz:

3 Şərh:

  • Anonim
    asi · 30 May 22:0300

    Hər şeyi başa düşdüm, bir tək 6-cı şəkildən başqa)..Ərzaqlar dadlı olsa da, hazırlanma üsulu elə də maraqlı deyil..Azərbaycan mətbəxinə aid bütün plovlar hər biri özünə görə çox dadlıdır..Məsələn mənim çox sevdiyim plovlar sırasında qiyməli plov və məqalədə adı çəkilməyən boyanalı plov da var..Amma aşpazln bu yeni icadına çox da plov demək olmaz..

    Cavab yaz
  • Anonim
    Tahire · 2 İyun 01:5700

    Bu bizlerde cölme kababi adli yemekdi oki qaldi pendir ile pomidora hec dede babadan bizlerde plovu şoraba ve turp ile yeyilir milli mizde ne pendir nede pamisora bu yemeyle adiyati yoxdu

    Cavab yaz
  • Anonim
    111 · 4 İyun 12:5200

    6-ci shekil ne idi ele?))))))))))))

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics