İran

Hörmüzdə yeni qaydalar tətbiq oluna bilər

8 Aprel 2026 14:06
Baxış: 815
VTB-də minimal faiz dərəcəsi ilə nağd kredit 9.9%-dən
#DÜNYADA

İran rəsmilərinin hesablamalarına görə, əgər Hörmüz boğazından keçən gəmilərdən hər biri üçün 2 milyon dollar rüsum tətbiq olunarsa, ölkənin bu istiqamətdən illik gəliri ən azı 64 milyard dollara çata bilər. Bu barədə İran dövlət teleradio şirkəti rəhbərinin müavini Həsən Abedini məlumat verib. O bildirib ki, ötən il boğazdan təxminən 32 min gəmi keçib və belə bir mexanizm tətbiq edilərsə, ciddi gəlir əldə etmək mümkündür.

Milli.Az xəbər verir ki, eyni zamanda, ABŞ Prezidenti Donald Tramp 8 aprel 2026-cı ildə Tehrana verdiyi ultimatumun başa çatmasına az qalmış Vaşinqtonun iki həftəlik atəşkəsə razılaşdığını açıqlayıb. O, "Truth Social" platformasında qeyd edib ki, bu qərar Pakistan rəhbərliyinin müraciəti və İranın Hörmüz boğazını tam açması şərti ilə qəbul edilib. Tramp əlavə edib ki, ABŞ artıq İrandan gələcək sülh razılaşmasının əsasını təşkil edə biləcək 10 tələb alıb.

Xatırladaq ki, ABŞ-ın müəyyən etdiyi son möhlət Bakı vaxtı ilə saat 04:00-da bitirdi. Tramp bu müddət başa çatdıqdan sonra İrana qarşı sərt addımlar atacağını, enerji infrastrukturu və digər mühüm obyektlərin hədəf alınacağını bildirmişdi. Buna cavab olaraq Tehran region ölkələrinin də zərər görə biləcəyi barədə xəbərdarlıq edib. İranın Ali Milli Təhlükəsizlik Şurası isə atəşkəslə bağlı razılığını təsdiqləyib, bu barədə xarici işlər naziri Abbas Əraqçı açıqlama yayıb.

Asya
Milli.Az 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.