İran

Xamenei öldürülərsə, yeni lider necə seçiləcək?

21 İyun 2025 23:22
Baxış: 2 171
VTB-də minimal faiz dərəcəsi ilə nağd kredit 9.9%-dən
#IRAN

Nüfuzlu "The New York Times" nəşri İranın Ali dini lideri Ayətullah Əli Xameneinin öldürüləcəyi təqdirdə onun yerinə keçəcək adamın hansı formada seçiləcəyi ilə bağlı yazı dərc edib.

Milli.Az qafqazinfo-ya istinadən xəbər verir ki, nəşr yazını üç İran rəsmisinə istinadən yayımlayıb.

Qeyd edilib ki, Ali lider vəfat edərsə, İran konstitusiyası 88 üzvdən ibarət Ekspertlər Assambleyasının varis seçməsini tələb edir.

Məlumata görə, Xameneinin özü 1989-cu ildə seçiləndən sonra proses yalnız bir dəfə tətbiq edilib.

Nəşr bildirir ki, Xamenei ölümü halında sürətli, nizamlı keçidi təmin etmək niyyətindədir.

Xatırladaq ki, bir neçə gün öncə ABŞ Prezidenti Donald Tramp Xameneinin "asan hədəf" olduğunu bildirərək, hələlik onun öldürülməsinə lüzum duymadığını deyib.

İsrailin Baş naziri Benyamin Netanyahu Ali lideri hədəf almağı istisna etməyib və deyib ki, "Onun ölümü münaqişəni sona çatdıracaq".

İsrailin müdafiə naziri İsrael Katz isə bəyan edib ki, Xameneinin İsraildəki xəstəxanaya "vur" əmrindən sonra onun varlığına icazə verilə bilməz.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.